ബിജെപിയ്ക്ക് ആദ്യ വിജയം സമ്മാനിച്ച് ഉമാനാഥ്

ബെംഗളൂരു: കര്‍ണാടക തിരഞ്ഞെടുപ്പ് ഫലം പുറത്തു വരുമ്പോള്‍ ബിജെപി യ്ക്ക് ആദ്യ വിജയം സമ്മാനിച്ചത് മൂഡബിദ്രി മണ്ഡലം സ്ഥാനാര്‍ത്ഥി ഉമാനാഥാണ്. 17000 വോട്ടുകള്‍ക്കാണ് ഉമാനാഥ് വിജയിച്ചത്.

മല്ലേശ്വരത്തു നിന്നുളള ബിജെപി സ്ഥാനാര്‍ത്ഥി ഡോ അശ്വത്ഥ് നാരായണും മംഗലൂരു സൗത്തില്‍ ബിജെപിയുടെ വേദവ്യാസ കാമത്തും വിജയിച്ചവരില്‍പ്പെടുന്നു. ഹോളെനരസിപൂര്‍ മണ്ഡലത്തില്‍ ജനതാദളിന്‍റെ എച്ച് ഡി രേവണ്ണയും വിജയിച്ചവരില്‍പെടുന്നു. ഉള്ളാല്‍ മണ്ഡലത്തില്‍ കോണ്‍ഗ്രസിന്‍റെ യുടി ഖാദര്‍ വിജയിച്ചു.

ഉച്ചയോടെ പൂര്‍ണ്ണമായ ഫലം പുറത്തുവരും. ജെഡിഎസ് മികച്ച മുന്നേറ്റം ഉണ്ടാക്കുമെന്ന് വ്യക്തമായതോടെ കോണ്‍ഗ്രസ്-ജെഡിഎസ് ചര്‍ച്ച ആരംഭിച്ചതായാണ് റിപ്പോര്‍ട്ട്.