ഫഡ്‍നാവിസും താക്കേറയും നേര്‍ക്കുനേര്‍ പോര്: 5 കാര്യങ്ങൾ

മുംബൈ: ബൃഹത് മുംബൈ മുനിസിപ്പല്‍ കോര്‍പ്പറേഷനിലേക്കുള്ള ( ബിഎംസി) തെരഞ്ഞെടുപ്പ് ഇന്ന് നടക്കുകയാണ്. മുന്‍ വര്‍ഷങ്ങളില്‍നിന്ന് വ്യത്യസ്‍തമായി ശിവസേനയും ബി.ജെ.പിയും പരസ്‍പരം മത്സരിക്കുകയാണ്. അതുകൊണ്ടുതന്നെ ഇരു കൂട്ടര്‍ക്കും നിര്‍ണായകമാണ് ഈ തെരഞ്ഞെടുപ്പ്.

1. മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‍നാവിസിനും ശിവസേനാ തലവന്‍ ഉദ്ധവ് താക്കറേയ്ക്കും അഭിമാനപ്പോരാട്ടമാണിത്. ബിജെപി തോറ്റാല്‍ ഉത്തരവാദിത്തം തനിക്കും ജയിച്ചാല്‍ ക്രെഡിറ്റ് പാര്‍ട്ടിക്കും ആണെന്ന് ഫഡ്‍നാവിസ് പ്രഖ്യാപിച്ചു കഴിഞ്ഞു.

2. ശിവസേന തോറ്റാല്‍ രണ്ടു പതിറ്റാണ്ടായി ബിഎംസിയില്‍ തുടരുന്ന ആധിപത്യം അവസാനിക്കും. പാര്‍ട്ടിയുടെ ഭാവി രാഷ്ട്രീയ സാധ്യതകളും മങ്ങും.

3. മിനി അസംബ്ലി തെരഞ്ഞെടുപ്പ് എന്നു വിശേഷിപ്പിക്കപ്പെടുന്ന മത്സരത്തില്‍ നാഗ്‍പൂര്‍, താനെ, പൂനെ, നാസിക് തുടങ്ങിയ തദ്ദേശ ഭരണ സ്ഥാപനങ്ങളിലേക്കും 11 ജില്ലാ പരിഷത്, 118 പഞ്ചായത്ത് സമിതി എന്നിവിടങ്ങിലേക്കും പോളിങ് നടക്കുന്നുണ്ട്.

4. ഇന്ന് നടക്കുന്നത് രണ്ടാം ഘട്ട തെരഞ്ഞെടുപ്പ് ആണ്. നാലു ദിവസം മുന്‍പ് നടന്ന ആദ്യ ഘട്ടത്തില്‍ കോണ്‍ഗ്രസ്, എന്‍സിപി മേഖലകളില്‍ ഉള്‍പ്പെടെ ബിജെപി വലിയ നേട്ടമുണ്ടാക്കിയിരുന്നു.

5. മുംബൈ നഗരത്തില്‍ 92 ലക്ഷത്തോളം വോട്ടര്‍മാര്‍ ഉണ്ടെങ്കിലും വലിയ വോട്ടിങ് ശതമാനം കാണാറില്ല. കഴിഞ്ഞ ലോക്‍സഭാ, നിയമസഭാ തെരഞ്ഞെടുപ്പുകളില്‍ യഥാക്രമം 55%, 54% എന്നിങ്ങനെയായിരുന്നു വോട്ടിങ്.

BMC Polls: 5 Key points

As Shiv Sena and BJP fight each other in BMC elections, the result is important for both the parties.