രോഗികൾക്കരികിൽ മൃതദേഹങ്ങളും കിടത്തി; ആശുപത്രിയിൽ നിന്നുള്ള ദൃശ്യങ്ങൾ പുറത്ത്

മുംബൈ: ആശുപത്രിയിൽ രോഗികൾക്കൊപ്പം മൃതദേഹങ്ങളെ കിടിത്തിയിരിക്കുന്നതിൻെറ ഞെട്ടിക്കുന്ന ദൃശ്യങ്ങൾ പുറത്ത്. മുംബൈയിലെ സിയോൺ ആശുപത്രിയിലെ കൊവിഡ് 19 വാർഡിൽ നിന്നുള്ള ദൃശ്യങ്ങളാണ് പുറത്ത് വന്നത്. കറുത്ത പ്ലാസ്റ്റിക് ഷീറ്റുകളിൽ പൊതിഞ്ഞ നാല് മൃതദേഹങ്ങളാണ് രോഗികൾക്കൊപ്പം കിടത്തിയിരിക്കുന്നത്.

നാലഞ്ച് ദിവസം മുമ്പ് ചിത്രീകരിച്ചിരിക്കുന്ന ദൃശ്യങ്ങളാണിതെന്ന് ആശുപത്രി അധികൃതർ പറഞ്ഞു. അര മണിക്കൂറോളം മൃതദേഹങ്ങൾ വാർഡിൽ തന്നെയാണ് കിടത്തിയിരുന്നതെന്ന് ആശുപത്രി ഡീൻ ഡോ. പ്രമോദ് ഇംഗളെ പറഞ്ഞു.

"മിക്ക രോഗികളും നിരീക്ഷണത്തിൽ കഴിയുന്നവരാണ്. മൃതദേഹങ്ങൾ സംസ്കരിക്കുന്നതിനും മറ്റും ചില മാനദണ്ഡങ്ങളുണ്ട്. അത് പൂർത്തിയാക്കാൻ മതിയായ സമയം ആവശ്യമാണ്. പോലീസിനെയും മരിച്ചവരുടെ ബന്ധുക്കളെയും അറിയിക്കേണ്ടതുണ്ട്. അവർ എത്തുന്നതിനും കാത്ത് നിൽക്കേണ്ടി വരും," അദ്ദേഹം വിശദീകരിച്ചു.

Also Read: വിശാഖപട്ടണം: വിഷവാതകം ചോര്‍ന്ന് എട്ട് മരണം; 5000 പേര്‍ ആശുപത്രികളില്‍

മൃതദേഹങ്ങൾ മാറ്റുന്നതിനും മറ്റും ക്ലാസ് ഫോർ ജീവനക്കാർ വിമുഖത കാണിക്കുന്നതും ബുദ്ധിമുട്ട് സൃഷ്ടിക്കുന്നുണ്ടെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. സംഭവവുമായി ബന്ധപ്പെട്ട് മുംബൈ മുനിസിപ്പൽ കോർപ്പറേഷൻ അധികൃതർ അന്വേഷണം പ്രഖ്യാപിച്ചിട്ടുണ്ട്.

വീഡിയോ കാണാം: