ജെറ്റ് എയർവേയ്സ് വിമാനത്തിന് വ്യാജ ബോംബ് ഭീഷണി

അഹമ്മദാബാദ്: 125 യാത്രക്കാരുമായി മുംബൈയിൽ നിന്നു അഹമ്മദാബാദിലേക്ക് പോയ ജെറ്റ് എയർവേയ്സ് വിമാനത്തിന് വ്യാജ ബോംബ് ഭീഷണി. ഇതേ തുടർന്ന് വിമാനം അഹമ്മദാബാദിൽ ലാന്‍ഡ് ചെയ്തയുടനെ പരിശോധനയ്ക്ക് വിധേയമാക്കി. 125 യാത്രക്കാരും ആറു ജീവനക്കാരുമടക്കം 131 പേരാണ് വിമാനത്തിൽ ഉണ്ടായിരുന്നത്.

എല്ലാ യാത്രക്കാരെയും പുറത്തിറക്കി ലഗേജുകളടക്കം പരിശോധിച്ചു. എന്നാൽ ഭീഷണിയുള്ള വസ്തുക്കളൊന്നും പരിശോധനയിൽ നിന്ന് കണ്ടെത്താനായില്ല.

കഴിഞ്ഞ മാസവും ജെറ്റ് എയർവേയ്സിന്റെ ആഭ്യന്തര സർവീസ് നടത്തുന്ന വിവിധ വിമാനങ്ങൾക്ക് വ്യാജ ബോംബ് ഭീഷണി വന്നിരുന്നു.