Boy Arrested For Threat To To Pm Modi And Yogi Adityanath
മോദിക്കും യോഗിക്കും വധഭീഷണി; സന്ദേശം ഇ- മെയില്‍ വഴി; 16 കാരന്‍ അറസ്റ്റില്‍
ഇ- മെയിലിലൂടെ വധഭീഷണി അയച്ചതിന്‍റെ ഉറവിടം കണ്ടെത്താന്‍ വേണ്ടി ടെക്നിക്കല് സംഘവും സഹായിച്ചതായി നോയിഡ എ.സി.പി. രജനീഷ് വര്‍മ പറഞ്ഞു. ഏപ്രില്‍ 5 ന് സെക്ടര്‍ 20 പോലീസ് സ്‌റ്റേഷനില്‍ കേസ് രജിസ്റ്റര്‍ ചെയ്തിരുന്നു.
Authored byമേരി മാര്‍ഗ്രറ്റ് | Samayam Malayalam8 Apr 2023, 11:09 am
ലഖ്‌നൗ: പ്രധാനമന്ത്രി നരേന്ദ്ര മോദിക്കെതിരെയും ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥിനെതിരെയും വധഭീഷണി സന്ദേശം അയച്ച് 16 കാരന്‍. നോയിഡയിലാണ് സംഭവം. ഇ- മെയില്‍ വഴിയാണ് 16 കാരനായ വിദ്യാര്‍ഥി ഒരു മീഡിയ ഹൗസിലേക്ക് സന്ദേശം അയച്ചത്. ഇതിനു പിന്നാലെ 16 കാരനെ പോലീസ് അറസ്റ്റ് ചെയ്തു.
ഏപ്രില്‍ 5 ന് സെക്ടര്‍ 20 പോലീസ് സ്‌റ്റേഷനില്‍ കേസ് രജിസ്റ്റര്‍ ചെയ്തിരുന്നു. പോലീസ് അന്വേഷിച്ചു വരികയായിരുന്നു. ഇ- മെയില്‍ സന്ദേശത്തിന്റെ ഉറവിടം കണ്ടെത്താന്‍ വേണ്ടി ടെക്നിക്കല് സംഘവും സഹായിച്ചതായി നോയിഡ എ.സി.പി. രജനീഷ് വര്‍മ പറഞ്ഞു.
ലഖ്‌നൗവിന് സമീപത്തുള്ള ചിന്‍ഹട്ടില്‍ നിന്നാണ് സന്ദേശം അയച്ചതെന്ന് ഇ- മെയില്‍ സന്ദേശത്തിന്റെ ഉറവിടം തേടിയുള്ള അന്വേഷണത്തില്‍ കണ്ടെത്തി. തുടര്‍ന്ന്, വിദ്യാര്‍ഥിയിലേക്ക് അന്വേഷണം എത്തുകയും സന്ദേശം അയച്ചത് പ്ലസ് വണ്‍ വിദ്യാര്‍ഥിയാണെന്ന് കണ്ടെത്തുകയായിരുന്നെന്ന് പോലീസ് ഉദ്യോഗസ്ഥനെ ഉദ്ധരിച്ച് പി.ടി.ഐ. റിപ്പോര്‍ട്ട് ചെയ്തു.
മീഡിയ ഹൗസ് നല്‍കിയ പരാതിപ്രകാരം ഐ.പി.സി. സെക്ഷന്‍ 153 എ (1ബി) 505 (1ബി) 506, 507 തുടങ്ങിയ വകുപ്പുകള്‍ ചുമത്തിയാണ് കേസ് എടുത്തിരിക്കുന്നത്. ജുവനൈല്‍ കോടതിയില്‍ ഹാജരാക്കിയ പ്രതിയെ പിന്നീട് ജാമ്യത്തില്‍ വിട്ടതായി ഇന്ത്യാ ടുഡേ റിപ്പോര്‍ട്ട് ചെയ്തു.
2016 ല്‍ ഡീ പോള്‍ കോളജില്‍നിന്ന് ജേര്‍ണലിസത്തില്‍ ബിരുദാനന്തര ബിരുദം പൂര്‍ത്തിയാക്കിയതിനുശേഷം 2017 മുതല്‍ മാധ്യമപ്രവര്‍ത്തനം ആരംഭിച്ചു. സിപിഐ മുഖപത്രമായ ജനയുഗം ദിനപത്രത്തില്‍ സബ് എഡിറ്ററായാണ് തുടക്കം. 2017 മുതല്‍ 2019 വരെ ജനയുഗത്തിന്‍റെ ഭാഗമായി പ്രവര്‍ത്തിച്ചു. 2019 മുതല്‍ സമയം മലയാളത്തില്‍ ഡിജിറ്റല്‍ കണ്ടന്‍റ് പ്രൊഡ്യൂസറായി പ്രവര്‍ത്തിക്കുന്നു. ആറു വർഷമായി മാധ്യമരംഗത്ത് പ്രവർത്തിക്കുന്ന മേരി രാഷ്ട്രീയ, സാമൂഹ്യവിഷയങ്ങളിലും മറ്റു പൊതുവിഷയങ്ങളിലും ലേഖനങ്ങൾ എഴുതുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
