ബലാത്സംഗ കേസ്: ബിജെപി എംഎല്‍എ യുടെ സഹോദരന്‍ അറസ്റ്റില്‍

ലക്‌നൗ: ഉന്നാവോ ബലാത്സംഗ കേസിലെ ഇരയുടെ പിതാവ് കസ്റ്റഡിയില്‍ മരിച്ച സംഭവത്തില്‍ യുപിയില്‍ ബിജെപി എംഎല്‍എയുടെ സഹോദരന്‍ അറസ്റ്റില്‍. എംഎല്‍എ കുല്‍ദീപ് സിങ് സെന്‍ഗാറിന്റെ സഹോദരന്‍ അതുല്‍ സിങ് സെന്‍ഗാറാണ് അറസ്റ്റിലായത്

എംഎല്‍എ തന്നെ പീഡിപിച്ചെന്നാരോപിച്ച് 18-കാരി കുടുംബത്തോടൊപ്പം കഴിഞ്ഞ ദിവസം മുഖ്യമന്ത്രി യോഗി ആദിത്യനാഥിന്റൈ വസതിക്ക് മുന്നില്‍ ആത്മഹത്യാശ്രമം നടത്തിയിരുന്നു.ഇതിനെ തുടര്‍ന്ന് കസ്റ്റഡിയിലെടുത്ത യുവതിയുടെ പിതാവ് പപ്പു സിങ് പിന്നീട് ആശുപത്രിയില്‍വെച്ച് മരിച്ചു.

പപ്പു സിങിനെ മര്‍ദ്ദിച്ചതിനെ തുടര്‍ന്നാണ് അതുല്‍ സിങിനെ അറസ്റ്റ് ചെയ്തതെന്ന് പോലീസ് പറഞ്ഞു. പപ്പു സിങ് കസ്റ്റഡിയില്‍ മരിച്ച സംഭവത്തില്‍ നേരത്തെ നാല് കോണ്‍സ്റ്റബിള്‍മാരെ സസ്‌പെന്‍ഡ് ചെയ്തിരുന്നു.