ഭക്ഷണം മോശമാണെന്ന ജവാന്‍റെ പരാതി: പ്രധാനമന്ത്രി ഇടപെട്ടു

ന്യൂഡല്‍ഹി: അതിര്‍ത്തിയില്‍ ജോലി ചെയ്യുന്ന സൈനികര്‍ക്ക് നല്‍കുന്ന ഭക്ഷണം മോശമാണെന്ന് വീഡിയോയിലൂടെ ജവാന്‍ പരാതിപ്പെട്ട സംഭവത്തില്‍ പ്രധാനമന്ത്രി ഇടപെട്ടു. ബി.എസ്.എഫ് ജവാന്‍ തേജ് ബഹാദൂര്‍ യാദവിന്‍റെ പരാതിയെപ്പറ്റി അന്വേഷിച്ച് റിപ്പോര്‍ട്ട് നല്‍കാന്‍ പ്രധാനമന്ത്രിയുടെ ഓഫീസ് കേന്ദ്ര ആഭ്യന്തര മന്ത്രാലയത്തോട് ആവശ്യപ്പെട്ടു.

അതേസമയം തന്‍റെ ഭര്‍ത്താവ് പറഞ്ഞ കാര്യങ്ങളെല്ലാം സത്യമാണെന്ന് യാദവിന്‍റെ ഭാര്യ ശര്‍മിള പറഞ്ഞു. പരാതി പിന്‍വലിച്ച് മാപ്പു പറയാന്‍ തന്‍റെ ഭര്‍ത്താവിനുമേല്‍ സമ്മര്‍ദ്ദമുണ്ട്. തന്‍റെ ഭര്‍ത്താവിന് മാനസിക പ്രശ്നമുണ്ടെങ്കില്‍ തോക്കും നല്‍കി അതിര്‍ത്തിയില്‍ കാവല്‍ നില്‍ക്കാന്‍ വിട്ടതെന്തിനാണെന്നും ശര്‍മിള ചോദിച്ചു.

സംഭവത്തില്‍ കേന്ദ്ര ആഭ്യന്തര മന്ത്രാലയം അന്വേഷണത്തിന് ഉത്തരവിട്ടിട്ടുണ്ട്. അതിര്‍ത്തിയിലെ സൈനികര്‍ക്ക് ഗുണമേന്മയുള്ള ഭക്ഷണം നല്‍കാനുള്ള പുതിയ നിര്‍ദേശങ്ങളടങ്ങിയ ഉത്തരവ് കഴിഞ്ഞ ദിവസം അതിര്‍ത്തി സംരക്ഷണ സേന പുറത്തിറക്കിയിരുന്നു.

The Prime Minister's Office on Thursday sought a report from the home ministry about BSF jawan Tej Bahadur Yadav's allegation that poor-quality food being served to paramilitary troops at border areas.