കർണാടകയിലെ ബിഎസ്‌പി മന്ത്രി രാജി വെച്ചു

ബെംഗലൂരു: കർണാടകയിലെ ഏക ബിഎസ്‌പി മന്ത്രി രാജി വെച്ചു. കർണാടക മന്ത്രിസഭയിലെ വിദ്യാഭ്യാസ മന്ത്രി എൻ.മഹേഷാണ് രാജി വെച്ചത്. എന്നാൽ, മന്ത്രിസ്ഥാനം മാത്രമേ രാജി വെച്ചിട്ടുള്ളൂവെന്നും എംഎൽഎയായി തുടരുമെന്നും മഹേഷ് വ്യക്തമാക്കി. കോൺഗ്രസുമായി സഖ്യമില്ലെന്ന് ബിഎസ്‌പി അധ്യക്ഷ മായാവതി കഴിഞ്ഞാഴ്ച വ്യക്തമാക്കിയിരുന്നു.

ലോക്‌സഭാ തെരഞ്ഞെടുപ്പിന് വേണ്ട ഒരുക്കങ്ങളിൽ ശ്രദ്ധിക്കുമെന്നും തന്റെ മണ്ഡലത്തിൽ സജീവമായി പ്രവർത്തനം നടത്തുമെന്നും എൻ.മഹേഷ് പ്രതികരിച്ചു. ഇപ്പോഴും കോൺഗ്രസിന് സവർണ മനോഭാവമാണ്. ഗൂഢാലോചനയുടെ ബിഎസ്‌പിയെ ഇല്ലാതാക്കാൻ കോൺഗ്രസ് ശ്രമിക്കുന്നുവെന്ന് മായാവതി ആരോപിച്ചിരുന്നു. 2019ൽ ബിജെപിക്കെതിരായ വിശാല സഖ്യം എന്ന രാഹുൽ ഗാന്ധിയുടെ ചിന്തക്ക് മായാവതിയുടെ പ്രതികരണം മങ്ങൽ ഏൽപിച്ചു. എന്നാൽ, താൻ വ്യക്തിപരമായ കാരണം കൊണ്ടാണ് രാജി വെക്കുന്നതെന്ന് എൻ.മഹേഷ് വ്യക്തമാക്കി.