ശ്രീനഗർ: മലയിടുക്കിലേക്ക് ബസ് വീണ് മരിച്ചവരുടെ എണ്ണം 35 പേർ കൊല്ലപ്പെട്ടു.ജമ്മു കാശ്മീരിലെ കിഷ്ത്വാറിലാണ് അപകടമുണ്ടായത്. അപകടത്തിൽ 17 പേർക്ക് പരിക്കേറ്റു. കേശ്വനിൽ നിന്ന് കിഷ്ത്വാറിലേക്ക് പോയ ബസ് ശ്രീഗ്വരിക്ക് സമീപമുള്ള കൊക്കയിലേക്ക് വീണാണ് അപകടമുണ്ടായത്. പ്രദേശത്ത് രക്ഷാപ്രവർത്തനം പുരോഗമിക്കുകയാണ്. പരിക്കേറ്റ 13 പേരെ കിഷ്ത്വാറിലെ ജില്ലാ ആശുപത്രിയിൽ പ്രവേശിപ്പിച്ചു. ബസിൽ 45 ഓളം യാത്രക്കാർ ഉണ്ടായിരുന്നു. കശ്മീർ മുൻ മുഖ്യമന്ത്രി ഒമർ അബ്ദുള്ള സംഭവത്തെ അപലപിച്ചു. പ്രധാനമന്ത്രി നരേന്ദ്ര മോദി മരണത്തിൽ ദുഃഖം രേഖപ്പെടുത്തി. പരിക്കേറ്റവർക്ക് എത്രയും വേഗം സുഖം പ്രാപിക്കട്ടെയെന്നും പ്രധാനമന്ത്രി ആശംസിച്ചു. ആഭ്യന്തരമന്ത്രി അമിത് ഷായും ദുഃഖം രേഖപ്പെടുത്തി.
ജമ്മു കശ്മീരിൽ ബസ് കൊക്കയിലേക്ക് വീണ് 35 മരണം
മുൻ മുഖ്യമന്ത്രിമാരായ ഒമർ അബ്ദുള്ളയും മെഹ്ബൂബ മുഫ്തിയും ദുഃഖം രേഖപ്പെടുത്തി. കൊക്കയിലേക്ക് വീണ ബസിൽ അധിക യാത്രക്കാരുണ്ടായിരുന്നു. മരണ നിരക്ക് ഉയർന്നേക്കാമെന്നും റിപ്പോർട്ടുണ്ട്.
Samayam Malayalam 1 Jul 2019, 1:13 pm
ഹൈലൈറ്റ്:
- പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി
- മരണസംഖ്യ ഉയരാൻ സാധ്യത
- അമിത് ഷാ മരണത്തിൽ ദുഃഖം രേഖപ്പെടുത്തി