ചെന്നൈ: മുൻ മുഖ്യമന്ത്രി ആയിരുന്ന ജയലളിതയുടെ മരണത്തെ തുടർന്ന് ഒഴിവുവന്ന ആർ കെ നഗർ മണ്ഡലത്തിൽ ഉപതെരഞ്ഞെടുപ്പ് ആരംഭിച്ചു. ഈ മാസം 24നാണ് വോട്ടെണ്ണൽ. ആർ കെ നഗർ ഉൾപ്പെടെ രാജ്യത്തെ അഞ്ചു മണ്ഡലങ്ങളിൽ ആണ് ഇന്ന് ഉപതെരഞ്ഞെടുപ്പ് നടക്കുന്നത്.
ആർ കെ നഗറിൽ എ ഐ എ ഡി എം കെ സ്ഥാനാർത്ഥി ഇ മധുസൂദനൻ, എ ഐ എ ഡി എം കെ വിമത സ്ഥാനാർത്ഥി ടി ടി വി ദിനകരൻ, ഡി എം കെ സ്ഥാനാർത്ഥി മരുതുഗണേഷ് എന്നിവർ തമ്മിലാണ് പ്രധാനമൽസരം. കരു നാഗരാജൻ ആണ് ഇവിടുത്തെ ബി ജെ പി സ്ഥാനാർത്ഥി.
സിക്കന്ദ്ര(ഉത്തർ പ്രദേശ്), സബാംഗ്(പശ്ചിമബംഗാൾ), പാക്കേ കസാംഗ്, ലിക്കാബലി(അരുണാചൽ പ്രദേശ്) എന്നിവിടങ്ങളിലും ഇന്നാണ് ഉപതെരഞ്ഞെടുപ്പ്.