സി.ദിവാകരനെ സിപിഐ ദേശീയ കൗൺസിലിൽ നിന്ന് ഒഴിവാക്കി

കൊല്ലം: മുതിർന്ന സിപിഐ നേതാവ് സി.ദിവാകരനെ ദേശീയ കൗൺസിലിൽ നിന്ന് ഒഴിവാക്കി. സത്യൻ മൊകേരി, കമല സദാനന്ദൻ, സി.എൻ.ചന്ദ്രൻ എന്നിവരെയും ദേശീയ കൗൺസിലിൽ നിന്ന് ഒഴിവാക്കി.

തനിക്ക് ഗോഡ്‌ഫാദർ ഇല്ല. ആരുടേയും സഹായത്തോടെ തുടരാനില്ല. ഗോഡ്‌ഫാദര്‍മാരെ അംഗീകരിക്കുന്ന ആളുമല്ല താനെന്നും സി.ദിവാകരൻ പ്രതികരിച്ചു. സുധാകർ റെഡ്‌ഡിയുടെ തണലിൽ കമ്മിറ്റിയിലേക്ക് വരണ്ട.സി.ദിവാകരൻ എന്നും സി.ദിവാകരൻ തന്നെയായിരിരിക്കും എന്നും കേരള നേതൃത്വം തനിക്ക് വേണ്ടി സംസാരിച്ചോയെന്ന് അറിയില്ലെന്നും അദ്ദേഹം പ്രതികരിച്ചു. കേരളത്തിൽ നിന്ന് ദേശീയ കൗൺസിലിൽ പുതുതായി അഞ്ചു പേരുണ്ട്. എൻ.രാജൻ, എൻ.അനിരുദ്ധൻ, പി.വസന്തം, കെ.പി.രാജേന്ദ്രൻ, ഇ.ചന്ദ്രശേഖരൻ, മഹേഷ് കക്കത്ത് എന്നിവരാണ് പുതുതായി കേരളത്തിൽ നിന്ന് കൗൺസിലിൽ എത്തിയത്. കൊല്ലത്ത് നടക്കുന്ന പാർട്ടി കോൺഗ്രസ് ഇന്ന് സമാപിക്കും.