മുബൈ ഭീകരാക്രമണത്തിലെ രക്ഷകൻ പൊലീസ് നായ അന്തരിച്ചു

2008 ലെ 26/11 മുബൈ ഭീകരാക്രമണത്തിലെ രക്ഷാപ്രവര്‍ത്തനങ്ങളില്‍ നിര്‍ണായക പങ്കുവഹിച്ച പൊലീസ് നായ സീസര്‍ അന്തരിച്ചു. 2005 മുതല്‍ 2013 വരെ മുംബൈ ബോംബ് ഡിറ്റെക്ഷന്‍ ആന്റ് ഡിസ്‌പോസല്‍ സംഘത്തിലെ അംഗമായിരുന്നു സീസര്‍. രക്ഷാപ്രവര്‍ത്തനങ്ങളില്‍ നിരവധി പേരുടെ ജീവന്‍ രക്ഷിക്കുന്നതില്‍ നിര്‍ണായക പങ്കാണ് സീസര്‍ വഹിച്ചത്. മുംബൈ ഭീകരാക്രണത്തില്‍ സേവനം അനുഷഠിച്ച സ്വാഡിലെ അവാസന കണ്ണിയായിരുന്നു സീസര്‍.

ടൈഗര്‍, സുല്‍ത്താന്‍, മാക്‌സ് എന്നിവര്‍ നേരത്തെ മരിച്ചിരുന്നു.2008 നവംബര്‍ 26 ന് ആരംഭിച്ച് മൂന്ന് ദിവസത്തോളം നീണ്ടുനിന്ന ഭീകരാക്രമണത്തില്‍ സ്തുത്യര്‍ഹമായ സേവനമാണ് സീസര്‍ കാഴ്ചവെച്ചത്. തിരക്കേറിയ സിഎസ്ടി റെയില്‍വെ സ്‌റ്റേഷനിലേക്ക് തീവ്രവാദികള്‍ എറിഞ്ഞ രണ്ട് ഗ്രനേഡുകള്‍ കണ്ടെത്താന്‍ പൊലീസിനെ സഹായിച്ചു. ഇതിലൂടെ നിരവധി ജീവനുകളാണ് പൊലീസിന് രക്ഷിക്കാന്‍ സാധിച്ചത്. തീവ്രവാദികള്‍ ഒളിച്ചുകഴിഞ്ഞിരുന്ന നിരാമാന്‍ ഹൗസില്‍ തെരച്ചില്‍ നടത്തുന്നതിനും സീസര്‍ മുന്‍പന്തിയില്‍ ഉണ്ടായിരുന്നു.

തന്റെ പ്രിയ സഹപ്രവര്‍ത്തകനായിരുന്ന ടൈഗറിന്റെ മരണത്തോടെ സീസര്‍ വിഷാദരോഗത്തിന് അടിമപ്പെടുകയായിരുന്നു. തുടര്‍ന്ന് ജൂണില്‍ പേള്‍സ് ആനിമല്‍ ഹോസ്പിറ്റലില്‍ അഡമിറ്റ് ചെയ്തു. ചികിത്സയ്ക്ക് ശേഷം വിറാറിലുള്ള മൃഗസ്‌നേഹി ഫിസാ ഷായുടെ ഫാം ഹൗസില്‍ ചികിത്സയിലായിരുന്നു. ഹൃദയാഘാതത്തെ തുടര്‍ന്നാണ സീസര്‍ മരിച്ചതെന്ന് പൊലീസ് വക്താവ് ഡിസിപി അശോക് ഡുധെ അറിയിച്ചു.

summary- Caesar, the last surviving 26/11 hero of his kind, died on Thursday. Caesar, a Labrador Retriever, was covered with the Tricolour and received an emotional farewell from the city's police force. Mumbai's Police Commissioner too marked the passing of the canine hero with a tweet.