ആള്‍മാറാട്ടം: വ്യാജ വിരലുമായി പരീക്ഷയ്‍ക്കെത്തിയ യുവാവ് അറസ്റ്റില്‍

ന്യൂഡല്‍ഹി: ആള്‍മാറാട്ടം നടത്തി വ്യാജ വിരലുമായി സ്റ്റാഫ് സെലക്ഷന്‍ കമ്മീഷന്‍റെ പരീക്ഷയ്‍ക്കെത്തിയ യുവാവിനെ അറസ്റ്റ് ചെയ്‍തു. ഡല്‍ഹിയിലെ ആലിപ്പൂരിലാണ് സംഭവം. ഗാസിയാബാദിലെ മോദിനഗര്‍ സ്വദേശി വിക്രാന്ത് ആണ് അറസ്റ്റിലായത്.

വ്യാജ വിരല്‍ ഘടിപ്പിച്ച് പരീക്ഷയെഴുതാനെത്തിയ ഇയാളുടെ ബയോമെട്രിക് പരിശോധനയ്‍ക്കിടെ വിരല്‍ അടര്‍ന്നുവീഴുകയായിരുന്നു. ഉടന്‍തന്നെ അധികൃതര്‍ പോലീസിനെ അറിയിക്കുകയും പോലീസെത്തി അറസ്റ്റ് ചെയ്യുകയുമായിരുന്നു.

സോണിപ്പട്ട് സ്വദേശിയായ സച്ചിന്‍ എന്ന വ്യക്തിയുടെ പേരില്‍ പരീക്ഷയെഴുതാനാണ് ഇയാള്‍ എത്തിയതെന്ന് പോലീസ് പറഞ്ഞു. വിക്രാന്തിന്‍റെ വ്യാജ വിരല്‍ അടര്‍ന്നുവീണതോടെ ഉദ്യോഗസ്ഥര്‍ ഇയാളുടെ ദേഹപരിശോധന നടത്തുകയും ഇയാളുടെ പേരിലുള്ള ഡ്രൈവിങ് ലൈസന്‍സ് കണ്ടെടുക്കുകയുമായിരുന്നു.

Candidate turns up to exam centre with 'fake finger', arrested

A 'dummy candidate' was arrested in Alipur on Saturday for turning up to the SSC exam centre with a 'fake finger'.