ജവാന്മാര്‍ക്ക് ആദരം: ജെഎന്‍യു പ്രൊഫസറുടെ കാര്‍ തകര്‍ത്തു

ന്യൂഡല്‍ഹി: സു‍ക്മയിലെ നക്സല്‍ ആക്രമണത്തില്‍ കൊല്ലപ്പെട്ട ജവാന്മാരുടെ സ്‍മരണയ്‍ക്കായി പരിപാടി സംഘടിപ്പിച്ചതിന് ജവഹര്‍ ലാല്‍ നെഹ്‍റു സര്‍വകലാശാലയിലെ അസിസ്റ്റന്‍റ് പ്രൊഫസറുടെ കാര്‍ അടിച്ചുതകര്‍ത്തു. അധ്യാപകനായ ബുദ്ധ സിങ്ങിന്‍റെ കാറാണ് വെള്ളിയാഴ്‍ച രാത്രിയില്‍ പെരിയാര്‍ ഹോസ്റ്റലിനു സമീപമുള്ള അദ്ദേഹത്തിന്‍റെ വീട്ടില്‍വെച്ച് അടിച്ചുതകര്‍ത്തത്.

വെള്ളിയാഴ്‍ച സിങ്ങിന്‍റെ നേതൃത്വത്തില്‍ സുക്മയിലും കുപ്‍വാരയിലും വീരമൃത്യു വരിച്ച ജവാന്മാരുടെ സ്‍മരണക്കായി ജെഎന്‍യു ക്യാംപസില്‍ പരിപാടി സംഘടിപ്പിച്ചിരുന്നു. ഇതിന് പ്രതികാരമായാണ് തന്‍റെ കാര്‍ തകര്‍ത്തതന്ന് സിങ് പോലീസിന് നല്‍കിയ പരാതിയില്‍ ആരോപിച്ചു.

ഇന്ത്യന്‍ ശിക്ഷാ നിയമം സെക്ഷന്‍ 427 പ്രകാരം പോലീസ് കേസെടുത്തിട്ടുണ്ട്. സ്ഥലത്ത് സിസിടിവി ക്യാമറ ഇല്ലാത്തതിനാല്‍ സുരക്ഷാ ജീവനക്കാരെ ചോദ്യം ചെയ്യേണ്ടിവരുമെന്ന് പോലീസ് പറഞ്ഞു. എന്നാല്‍ ആഭ്യന്തര മന്ത്രിക്ക് ബുദ്ധിമുട്ടുള്ള ചോദ്യങ്ങള്‍ നേരിടാന്‍ കഴിയാത്തതിനാല്‍ സംഭവത്തില്‍നിന്ന് ശ്രദ്ധതിരിക്കാനുള്ള ആര്‍എസ്എസ് തന്ത്രമാണ് കാര്‍ ആക്രമണമെന്ന് ജെഎന്‍യു വിദ്യാര്‍ഥി യൂണിയന്‍ മോഹിത് പാണ്ഡേ പറഞ്ഞു.

Car damaged for martyrs' meet: JNU prof

The professor, Buddha Singh, has claimed his vehicle was targeted as he had organised a commemoration event for Sukma and Kupwara martyrs on campus on Friday.