ലഖ്‌നൗ: ട്രക്കുമായി കൂട്ടിയിടിച്ച് കാറിന് തീപിടിച്ച് ഒരു കുട്ടിയടക്കം എട്ട് യാത്രക്കാർ വെന്തുമരിച്ചു. ഉത്തർ പ്രദേശിലെ ഭോജിപുര പോലീസ് സ്റ്റേഷൻ പരിധിയിലെ ബറേലി - നൈനിറ്റാൾ ഹൈവേയിൽ ശനിയാഴ്ച രാത്രിയാണ് ദാരുണമായ സംഭവം. ഇടിയുടെ ആഘാതത്തിൽ കാറിൻ്റെ സെൻട്രൽ ലോക്ക് തുറക്കാനാകാതെ വന്നതാണ് വലിയ ദുരന്തത്തിന് കാരണമായത്.
കാറിലുണ്ടായിരുന്നവർ ഒരു വിവാഹച്ചടങ്ങിൽ പങ്കെടുക്കാൻ പോകുകയായിരുന്നു. ഒരു കുടുംബത്തിൽ നിന്നുള്ളവരാണോ മരിച്ചതെന്ന് വ്യക്തമല്ല. കാർ ട്രക്കിൽ ചെന്നിടിച്ച് തീ പിടിക്കുകയായിരുന്നുവെന്നാണ് പ്രാഥമിക നിഗമനം. ലോക്ക് തുറക്കാനാകാതെ വന്നതോടെ യാത്രക്കാർക്ക് പുറത്തിറങ്ങാനാകാത്ത അവസ്ഥയിലായിരുന്നു. ട്രക്കിലുണ്ടായിരുന്ന രണ്ടുപേർക്ക് പരിക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ വിശദമായ അന്വേഷണം ആരംഭിച്ചു. അപകടസ്ഥലത്ത് നിന്നുള്ള ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു.
അപകടത്തെത്തുടർന്ന് കാറിൻ്റെ ഡോറുകൾ തുറക്കാനാകാത്ത അവസ്ഥയിലായി, ഇതോടെ യാത്രക്കാർക്ക് പുറത്തിറങ്ങാനാകാത്ത അവസ്ഥയുണ്ടായതെന്നാണ് പ്രാഥമിക നിഗമനം. എന്നാൽ ഇക്കാര്യത്തിൽ സ്ഥിരീകരണം ഉണ്ടായിട്ടില്ല. ഭോജിപുരയ്ക്ക് സമീപത്തെ ഹൈവേയിൽ കാർ എതിർ ദിശയിലേക്ക് മറിഞ്ഞ് ട്രക്കിൽ ഇടിക്കുകയായിരുന്നുവെന്ന് ബറേലി സീനിയർ പോലീസ് സൂപ്രണ്ട് സുശീൽ ചന്ദ്ര ഭാൻ ധൂലെ പറഞ്ഞു. ഇടിയുടെ ആഘാതത്തിൽ തീപിടിക്കുകയായിരുന്നു. കാറിൻ്റെ സെൻട്രൽ ലോക്ക് തുറക്കാനാകാത്ത അവസ്ഥയിലായിരുന്നു. ഇതോടെ ഉള്ളിലുള്ളവർക്ക് ജീവൻ നഷ്ടമായെന്ന് ധുലെ പറഞ്ഞു.
ഉത്തരാഖണ്ഡിൽ നിന്ന് വരികയായിരുന്ന ട്രക്കുമായിട്ടാണ് കാർ കൂട്ടിയിടിച്ചതെന്നാണ് റിപ്പോർട്ട്. കാറിന്റെ ടയർ പൊട്ടി ട്രക്കുമായി കൂട്ടിയിടിക്കുകയായിരുന്നുവെന്ന് ദൃക്‌സാക്ഷികൾ വാർത്താ ഏജൻസിയായ പിടിഐയോട് പറഞ്ഞു. കൂട്ടിയിടിക്ക് പിന്നാലെ കാറിലേക്കും ട്രക്കിലേക്കും തീപടന്നു. തുടർന്ന് വലിയ ശബ്ദത്തിൽ പൊട്ടിത്തെറിയുണ്ടായി. സമീപവാസികൾ പോലീസിൽ വിവരമറിയിക്കുകയായിരുന്നു. ഉടൻതന്നെ പോലീസ് സ്ഥലത്തെത്തി. ഫയർഫോഴ്സ് സംഘം സ്ഥലത്തെത്തി തീയണച്ചു. കാറിൻ്റെ ടയർ പൊട്ടിയതാണ് അപകടകാരണമെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു.
Read Latest National News and Malayalam News
കാറിലുണ്ടായിരുന്നവർ ഒരു വിവാഹച്ചടങ്ങിൽ പങ്കെടുക്കാൻ പോകുകയായിരുന്നു. ഒരു കുടുംബത്തിൽ നിന്നുള്ളവരാണോ മരിച്ചതെന്ന് വ്യക്തമല്ല. കാർ ട്രക്കിൽ ചെന്നിടിച്ച് തീ പിടിക്കുകയായിരുന്നുവെന്നാണ് പ്രാഥമിക നിഗമനം. ലോക്ക് തുറക്കാനാകാതെ വന്നതോടെ യാത്രക്കാർക്ക് പുറത്തിറങ്ങാനാകാത്ത അവസ്ഥയിലായിരുന്നു. ട്രക്കിലുണ്ടായിരുന്ന രണ്ടുപേർക്ക് പരിക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ വിശദമായ അന്വേഷണം ആരംഭിച്ചു. അപകടസ്ഥലത്ത് നിന്നുള്ള ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു.
അപകടത്തെത്തുടർന്ന് കാറിൻ്റെ ഡോറുകൾ തുറക്കാനാകാത്ത അവസ്ഥയിലായി, ഇതോടെ യാത്രക്കാർക്ക് പുറത്തിറങ്ങാനാകാത്ത അവസ്ഥയുണ്ടായതെന്നാണ് പ്രാഥമിക നിഗമനം. എന്നാൽ ഇക്കാര്യത്തിൽ സ്ഥിരീകരണം ഉണ്ടായിട്ടില്ല. ഭോജിപുരയ്ക്ക് സമീപത്തെ ഹൈവേയിൽ കാർ എതിർ ദിശയിലേക്ക് മറിഞ്ഞ് ട്രക്കിൽ ഇടിക്കുകയായിരുന്നുവെന്ന് ബറേലി സീനിയർ പോലീസ് സൂപ്രണ്ട് സുശീൽ ചന്ദ്ര ഭാൻ ധൂലെ പറഞ്ഞു. ഇടിയുടെ ആഘാതത്തിൽ തീപിടിക്കുകയായിരുന്നു. കാറിൻ്റെ സെൻട്രൽ ലോക്ക് തുറക്കാനാകാത്ത അവസ്ഥയിലായിരുന്നു. ഇതോടെ ഉള്ളിലുള്ളവർക്ക് ജീവൻ നഷ്ടമായെന്ന് ധുലെ പറഞ്ഞു.
ഉത്തരാഖണ്ഡിൽ നിന്ന് വരികയായിരുന്ന ട്രക്കുമായിട്ടാണ് കാർ കൂട്ടിയിടിച്ചതെന്നാണ് റിപ്പോർട്ട്. കാറിന്റെ ടയർ പൊട്ടി ട്രക്കുമായി കൂട്ടിയിടിക്കുകയായിരുന്നുവെന്ന് ദൃക്‌സാക്ഷികൾ വാർത്താ ഏജൻസിയായ പിടിഐയോട് പറഞ്ഞു. കൂട്ടിയിടിക്ക് പിന്നാലെ കാറിലേക്കും ട്രക്കിലേക്കും തീപടന്നു. തുടർന്ന് വലിയ ശബ്ദത്തിൽ പൊട്ടിത്തെറിയുണ്ടായി. സമീപവാസികൾ പോലീസിൽ വിവരമറിയിക്കുകയായിരുന്നു. ഉടൻതന്നെ പോലീസ് സ്ഥലത്തെത്തി. ഫയർഫോഴ്സ് സംഘം സ്ഥലത്തെത്തി തീയണച്ചു. കാറിൻ്റെ ടയർ പൊട്ടിയതാണ് അപകടകാരണമെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു.
Read Latest National News and Malayalam News