താനെ: മഹാരാഷ്ട്രയിലെ താനെയില് 75കാരിയുടെ മരണവുമായി ബന്ധപ്പെട്ട് വീട്ടുടമസ്ഥനും ഭാര്യയ്ക്കുമെതിരെ കേസ്. 9 മാസം മുമ്പാണ് വയോധികയെ താനെയിലെ വാടക വീട്ടില് മരിച്ച നിലയില് കാണപ്പെട്ടത്. വഹീദാബി നൂര്മുഹമ്മദ് ഷെയ്ഖ് എന്ന 75കാരിയാണ് കൊല്ലപ്പെട്ടത്. കല്യാണ് ടൗണിലെ വാടക വീട്ടില് 1990 മുതല് തനിച്ച് താമസിച്ച് വരികയായിരുന്നു വിധവയായ വഹീദാബി. പഴയ വീട് പുതുക്കി പണിയണമെന്നും വീട് ഒഴിയണമെന്നും വീട്ടുടമസ്ഥന് വഹീദാബിയോട് നിരന്തരം ആവശ്യപ്പെട്ടിരുന്നു. എന്നാല് വീടൊഴിയാന് വയോധിക കൂട്ടാക്കിയിരുന്നില്ല. വയോധികയുടെ മരണത്തില് ബന്ധുവായ യുവതിയാണ് പരാതിയുമായി പോലീസിനെ സമീപിച്ചത്. വീട്ടുടമസ്ഥന് തന്നെ നിരന്തരം ശല്യപ്പെടുത്തുന്നുണ്ടെന്ന് വയോധിക പരാതി പറഞ്ഞിരുന്നതായി യുവതിയുടെ പരാതിയില് ചൂണ്ടിക്കാട്ടുന്നു.
2022 മെയ് മാസത്തില് പരാതിക്കാരി വയോധികയുടെ വാടക വീട് സന്ദര്ശിച്ചിരുന്നു. മൂന്ന് ദിവസത്തിന് ശേഷം മരണം അറിയിച്ച് വീട്ടുടമസ്ഥന് വിളിച്ചതായി പരാതിക്കാരി പറയുന്നു. താന് വീട്ടിലെത്തിയപ്പോള് വഹീദാബിയുടെ ശരീരമാസകലം കറുത്ത നിറം പടര്ന്നിരുന്നെന്നും മുറിയില് രക്തക്കറകള് ഉണ്ടായിരുന്നുവെന്നും പരാതിക്കാരി ആരോപിക്കുന്നു. തുടര്ന്നാണ് വയോധികയുടെ മൃതദേബം പോസ്റ്റ്മോര്ട്ടത്തിന് അയച്ചത്. തുടര്ന്ന് പരാതിക്കാരി കോടതിയെ സമീപിച്ചതോടെ വഹീദാബിയുടെ മരണത്തില് അന്വേഷണം നടത്താന് കോടതി ഉത്തരവിടുകയായിരുന്നു. വീട്ടുടമസ്ഥനും ഭാര്യയ്ക്കും മകനുമെതിരെ ശനിയാഴ്ചയാണ് ബസര്പെത്ത് പോലീസ് കേസെടുത്ത് അന്വേഷണം ആരംഭിച്ചത്.
Read Latest National News and Malayalam News
2022 മെയ് മാസത്തില് പരാതിക്കാരി വയോധികയുടെ വാടക വീട് സന്ദര്ശിച്ചിരുന്നു. മൂന്ന് ദിവസത്തിന് ശേഷം മരണം അറിയിച്ച് വീട്ടുടമസ്ഥന് വിളിച്ചതായി പരാതിക്കാരി പറയുന്നു. താന് വീട്ടിലെത്തിയപ്പോള് വഹീദാബിയുടെ ശരീരമാസകലം കറുത്ത നിറം പടര്ന്നിരുന്നെന്നും മുറിയില് രക്തക്കറകള് ഉണ്ടായിരുന്നുവെന്നും പരാതിക്കാരി ആരോപിക്കുന്നു. തുടര്ന്നാണ് വയോധികയുടെ മൃതദേബം പോസ്റ്റ്മോര്ട്ടത്തിന് അയച്ചത്. തുടര്ന്ന് പരാതിക്കാരി കോടതിയെ സമീപിച്ചതോടെ വഹീദാബിയുടെ മരണത്തില് അന്വേഷണം നടത്താന് കോടതി ഉത്തരവിടുകയായിരുന്നു. വീട്ടുടമസ്ഥനും ഭാര്യയ്ക്കും മകനുമെതിരെ ശനിയാഴ്ചയാണ് ബസര്പെത്ത് പോലീസ് കേസെടുത്ത് അന്വേഷണം ആരംഭിച്ചത്.
Read Latest National News and Malayalam News