നോട്ട് പ്രതിസന്ധി മാര്‍ച്ച് വരെ തുടരാന്‍ സാധ്യത

മുംബൈ: നോട്ട് അസാധുവാക്കലിനെത്തുടര്‍ന്നുണ്ടായ പ്രതിസന്ധി അടുത്ത വര്‍ഷം മാര്‍ച്ച് വരെ തുടരാന്‍ സാധ്യത. പിന്‍വലിച്ച നോട്ടുകളുടെ 80 ശതമാനമെങ്കിലും സമ്പദ്‍വ്യവസ്ഥയിലേക്ക് തിരിച്ചെത്താന്‍ ഫെബ്രുവരി അവസാനം വരെയെങ്കിലും കാത്തിരിക്കേണ്ടിവരുമെന്നാണ് ഔദ്യോഗികവൃത്തങ്ങള്‍ നല്‍കുന്ന സൂചന.

ജനുവരി അവസാനത്തോടെ 75 ശതമാനം നോട്ടുകളും വിതരണം ചെയ്യാന്‍ കഴിയുമെന്ന് എസ്.ബി.ഐ കണക്കാക്കുന്നു. 2000 രൂപയുടെ നോട്ടിനു പകരം അഞ്ഞൂറിന്‍റെയും ആയിരത്തിന്‍റെയും നോട്ടുകള്‍ വിതരണംചെയ്താലേ ഇപ്പോഴുള്ള പ്രതിസന്ധി പരിഹരിക്കാനാവൂ.

നോട്ട് നിരോധനം പ്രഖ്യാപിച്ചപ്പോള്‍ അന്‍പതു ദിവസത്തിനകം എല്ലാം സാധാരണ നിലയിലാകും എന്നാണ് പ്രധാനമന്ത്രി നരേന്ദ്ര മോദി പറഞ്ഞത്. കാലാവധി അവസാനിച്ചതോടെ ഇന്നു വൈകീട്ട് മോദി രാജ്യത്തെ അഭിസംബോധന ചെയ്യും എന്ന് അറിയിച്ചിട്ടുണ്ട്. നോട്ടു നിരോധനം 50 ദിവസം പിന്നിട്ട സാഹചര്യത്തില്‍ ദിവസനേ എ.ടി.എമ്മില്‍നിന്ന് പിന്‍വലിക്കാവുന്ന പണത്തിന്‍റെ പരിധി 4500 ആക്കി ഉയര്‍ത്തിയിട്ടുണ്ട്.

Cash crunch experienced by the economy following the note ban on November 8 may settle down in March next year, says experts.