മരണത്തിലും അയിത്തം: കളക്ടർക്ക് പരാതി നൽകി

കോയമ്പത്തൂർ: മൃതദേഹത്തനെയും വിടാതെ ക്രൂരമായ ജാതി വിവേചനം. കോയമ്പത്തൂരിലാണ് സംഭവം. ദളിതരുടെ ശവമടക്കിന് ഗൗണ്ടര്‍മാര്‍ അനുമതി നിഷേധിക്കുന്നതായി ചൂണ്ടിക്കാട്ടി കോയമ്പത്തൂരിലെ കറുമാത്താംപട്ടി ഗ്രാമവാസികള്‍ ജില്ലാ ഭരണകൂടത്തിന് പരാതി നല്‍കി. ദളിതരുടെ മൃതദേഹം തങ്ങള്‍ക്കൊപ്പം അടക്കാന്‍ സമ്മതിക്കില്ലെന്നായിരുന്നു ഗൗണ്ടര്‍മാരുടെ നിലപാട്.

തഹസില്‍ദാര്‍ ഇടപെട്ട് ഇരു വിഭാഗത്തെയും ചര്‍ച്ചയ്ക്ക് വിളിച്ചെങ്കിലും ഗൗണ്ടര്‍മാര്‍ സമ്മതിച്ചില്ല. തങ്ങള്‍ മൃതദേഹം ദഹിപ്പിക്കുന്ന സ്ഥലത്ത് ദളിതരുടെ മൃതദേഹം ദഹിപ്പിച്ചാല്‍ മര്‍ദ്ദനമടക്കമുള്ള ഉപദ്രവങ്ങള്‍ നേരിടേണ്ടി വരുമെന്നാണ് ഗൗണ്ടര്‍മാരുടെ ഭീഷണി. തഹസില്‍ദാര്‍ വിഷയം പിന്നീട് ആര്‍ഡിഒയുടെ പരിഗണനയ്ക്ക് വിട്ടു. ആ‍ർഡിഒ ഗൗണ്ട‍ർമാരുടെ പക്ഷം ചേ‍ർന്നതിനാൽ കളക്ടര്‍ക്ക് പരാതി നല്‍കിയിരിക്കുകയാണ്.

Coimbatore Dalits can't use graveyard


Representatives of the Dalit village of Karumathampatti in Sulur district have petitioned the Collector of Coimbatore alleging that members of the powerful Gounder community in the area are refusing to give them space to bury their dead in the local graveyard