നീരവ് മോദിയെ പിടികൂടാന്‍ സിബിഎെ ഇന്‍റര്‍പോളിന്‍റെ സഹായം തേടി

ന്യൂഡല്‍ഹി: പഞ്ചാബ് നാഷണല്‍ ബാങ്കില്‍നിന്ന് കോടികണക്കിനു രൂപ വെട്ടിച്ച് രാജ്യംവിട്ട നീരവ് മോദിയെ പിടികൂടാന്‍ സി ബി ഐ ഇന്റര്‍പോളിന്റെ സഹായംതേടി. നീരവിന്റെയും ബിസിനസ് പങ്കാളി മെഹുല്‍ ചോക്സിയുടെയും പാസ്‌പോര്‍ട്ട് മരവിപ്പിച്ച നടപടിക്ക് പിന്നാലെയാണിത്.

നാലാഴ്ചയ്ക്കകം നീരവ് ഇന്ത്യയില്‍ തിരിച്ചെത്താത്തപക്ഷം പാസ്‌പോര്‍ട്ട് റദ്ദാക്കുമെന്ന് അധികൃതര്‍ അറിയിച്ചിട്ടുണ്ട്
ന്യൂയോര്‍ക്കിലെ ഹോട്ടലിലാണ് നീരവ് മോദി കഴിയുന്നതെന്ന് ദേശീയ മാധ്യമങ്ങള്‍ റിപ്പോര്‍ട്ടു ചെയ്തിരുന്നെങ്കിലും നീരവ് എവിടെയാണെന്ന് അറിയില്ലെന്നാണ് വിദേശകാര്യ മന്ത്രാലയം വ്യക്തമാക്കിയിരിക്കുന്നത്.

നീരവ് മോദിയുമായി ബന്ധമുള്ള 20 ഒാളം സ്ഥാപനങ്ങളില്‍ കഴിഞ്ഞ ദിവസം നടത്തിയ റെയ്ഡില്‍ 5,100 കോടി വിലമതിപ്പുള്ള വജ്രാഭരണങ്ങളും സ്വര്‍ണാഭരണങ്ങളും എന്‍ഫോഴ്‌സ്‌മെനന്‍റ് ഡയറക്ടറേറ്റ് പിടിച്ചെടുത്തിരുന്നു
തട്ടിപ്പിനെക്കുറിച്ച് ബാങ്ക് അധികൃതര്‍ പരാതി നല്‍കുകയും സി ബി ഐ കേസെടുക്കുകയും ചെയ്തതിന് തൊട്ടുമുമ്പാണ് നീരവ് മോദി അടക്കമുള്ള കേസിലെ പ്രധാന പ്രതികള്‍ രാജ്യം വിട്ടത്.