ചോദ്യ പേപ്പര്‍ ചോര്‍ച്ച: സിബിഎസ് സി പത്താം ക്ലാസ് കണക്ക് പരീക്ഷ വീണ്ടും നടത്തില്ല

ന്യൂഡല്‍ഹി: ചോദ്യ പേപ്പർ ചോർന്നതിന്റെ പേരിൽ വീണ്ടും നടത്തുമെന്ന് പ്രഖ്യാപിച്ച സി ബി എസ് ഇ പത്താം ക്ലാസ്സ് കണക്ക് പരീക്ഷ നടത്തില്ലെന്ന് സി ബി എസ് ഇ ബോര്‍ഡ് തീരുമാനം. മാര്‍ച്ച് 28നാണ് പത്താം ക്ലാസ് പരീക്ഷ നടന്നത്.

അന്നു തന്നെ ചോദ്യപേപ്പര്‍ ചോര്‍ന്നെന്ന് വിവരം ലഭിച്ചതിനാല്‍ പരീക്ഷ മാറ്റി വയ്ക്കുകയാണെന്ന് അറിയിപ്പു വന്നിരുന്നു. ഡല്‍ഹി യിലെയും ഹരിയാനയിലെയും കേന്ദ്രങ്ങളിലാണ് ചോദ്യപേപ്പര്‍ ചോര്‍ന്നത്.

പ്ലസ് ടു എക്കണോമിക്‌സ് പരീക്ഷയുടെയും ചോദ്യപേപ്പറുകള്‍ ചോര്‍ന്നിരുന്നു. ഏപ്രില്‍ 25 ന് എക്കണോമിക്സ് പുനഃപരീക്ഷ നടക്കും.