ന്യൂഡല്ഹി: കൊവിഡ്-19 ലോക്ക് ഡൗണിനെ തുടര്ന്ന് മുടങ്ങിയ സിബിഎസ്ഇ 10, 12 ക്ലാസുകളിലെ പരീക്ഷകള് ജൂലൈയില് നടക്കും. ജൂലൈ ഒന്ന് മുതല് 15 വരെയാണ് പരീക്ഷകള് നടക്കുകയെന്ന് കേന്ദ്ര മാനവ വിഭവ ശേഷി മന്ത്രാലയം അറിയിച്ചു.
Also Read: ഓപ്പറേഷന് സമുദ്ര സേതു: ആദ്യ കപ്പല് ഞായറാഴ്ച കൊച്ചിയിലെത്തും
കൊറോണ വൈറസ് വ്യാപനത്തിന്റെ പശ്ചാത്തലത്തില് രാജ്യത്ത് ലോക്ക് ഡൗണ് പ്രഖ്യാപിച്ചതിനെ തുടര്ന്ന് വിദ്യാഭ്യാസ സ്ഥാപനങ്ങള് അടിച്ചിട്ടിരിക്കുകയാണ്. ഈ സാഹചര്യത്തിലാണ് പരീക്ഷകള് നടത്താന് സാധിക്കാതിരുന്നത്.
മാര്ച്ച് 25 മുതല് രാജ്യം ലോക്ക് ഡൗണിലാണ്. പിന്നീട് രണ്ട് തവണയായി ലോക്ക് ഡൗണ് നീട്ടുകയായിരുന്നു. ഇപ്പോള് മൂന്നാംഘട്ട ലോക്ക് ഡൗണിലാണ്. രോഗവ്യാപനം കുറയാത്ത സാഹചര്യത്തിലാണ് ലോക്ക് ഡൗണ് പിന്വലിക്കാത്തത്.
Also Read: ഡോക്ടര്മാരായ അച്ഛനും മകളും യുഎസില് മരിച്ചു
ലോക്ക് ഡൗണ് പ്രഖ്യാപിക്കുന്നതിന് മുമ്പ് തന്നെ രാജ്യത്ത് സ്കൂളുകളും യൂണിവേഴ്സിറ്റികളും അടച്ചിരുന്നു. മാര്ച്ച് 16 മുതല് രാജ്യത്തെ വിദ്യാഭ്യാസ സ്ഥാപനങ്ങള് പ്രവര്ത്തിക്കുന്നില്ല. യൂണിവേഴ്സിറ്റികളുടേത് ഉള്പ്പെടെ എല്ലാ പരീക്ഷകളും ലോക്ക് ഡൗണിന്റെ പശ്ചാത്തലത്തില് മാറ്റിവെച്ചിരിക്കുകയാണ്.
ഐഐടി ജെഇഇ, നീറ്റ് (NEET) പരീക്ഷകള് ജൂലൈ 18 മുതല് 26 വരെ നടക്കുമെന്ന് മാനവ വിഭവ ശേഷി മന്ത്രാലയം അറിയിച്ചു.