സിബിഎസ്ഇ പ്ലസ്ടു ഫലം: 83.01 ശതമാനം വിജയം

ന്യൂഡല്‍ഹി: കഴിഞ്ഞ അധ്യയന വര്‍ഷത്തെ സിബിഎസ്ഇ പരീക്ഷാഫലം പ്രസിദ്ധീകരിച്ചു. ഇക്കുറി 83.01 ശതമാനമാണ് വിജയം. കഴിഞ്ഞ വര്‍ഷം 82.02 ശതമാനമായിരുന്നു.

97.32 ശതമാനം വിജയത്തോടെ തിരുവനന്തപുരം മേഖല ഒന്നാം സ്ഥാനത്തും 93.87 ശതമാനം നേടിയ ചെന്നൈ രണ്ടാം സ്ഥാനത്തും 89 ശതമാനം നേടിയ ഡല്‍ഹി മൂന്നാം സ്ഥാനത്തുമാണ്. 88.31 ശതമാനം പെണ്‍കുട്ടികള്‍ വിജയിച്ചപ്പോള്‍ 78.99 ശതമാനം ആണ്‍കുട്ടികളാണ് വിജയം നേടിയത്.

500ല്‍ 499 മാര്‍ക്ക് നേടി ഗാസിയബാദില്‍ നിന്നുള്ള മേഘന ശ്രീവാസ്തവ ഒന്നാം റാങ്ക് നേടി. ഗാസിയബാദില്‍ നിന്ന് തന്നെയുള്ള അനുഷ്ക ചന്ദ്രക്കാണ് രണ്ടാം റാങ്ക്. 498 മാര്‍ക്കാണ് അനുഷ്ക നേടിയത്.