കാവേരി: ഉന്നതാധികാര സാങ്കേതിക സമിതി കേന്ദ്രം രൂപീകരിച്ചു

ന്യൂഡൽഹി: കർണാടകവും തമിഴ്‌നാടും തമ്മിൽ നിലനിൽക്കുന്ന കാവേരി തർക്കം പരിഹരിക്കുന്നതിന് നദീ ജല ബോർഡ് രൂപീകരിക്കണമെന്ന് സുപ്രീം കോടതി ഉത്തരവിട്ടിരുന്നു. എന്നാൽ നദീജല പരിപാലന ബോര്‍ഡിന് പകരം ഉന്നതാധികാര സാങ്കേതിക സമിതിയാണ് കേന്ദ്രം രൂപീകരിച്ചത്. സുപ്രീംകോടതിയുടെ നിര്‍ദ്ദേശപ്രകാരം തന്നെയാണ് ഇപ്പോൾ ഉന്നതാധികാര സാങ്കേതിക സമിതി രൂപീകരിച്ചതെന്ന് കേന്ദ്രസര്‍ക്കാര്‍ വെളിപ്പെടുത്തി. സമിതിയുടെ അധ്യക്ഷൻ കേന്ദ്ര ജലകമ്മീഷന്‍ ചെയര്‍മാന്‍ ജിഎസ് ഷായാണ്.

കര്‍ണാടക, തമിഴ്‌നാട്,പുതുച്ചേരി,കേരളം എന്നീ സംസ്ഥാനങ്ങളിലെ അംഗങ്ങളെ ഉൾപ്പെടുത്തിയാണ് സമിതി രൂപീകരിക്കുന്നത്. കര്‍ണാടക, തമിഴ്‌നാട് സംസ്ഥാനങ്ങളിലെ ചീഫ് സെക്രട്ടറിയോ പ്രതിനിധിയോ സമിതിയില്‍ ഉണ്ടാകും. തമിഴ്‌നാട്, കര്‍ണാടക, കേരളം, പുതുച്ചേരി എന്നിവിടങ്ങളില്‍ നിന്നുള്ള ഒരു ചീഫ് എഞ്ചിനിയറും സമിതിയില്‍ അംഗമാണ്. നാളെ ബെംഗലൂരുവില്‍ യോഗം ചേരുന്ന സമിതി കാവേരി നദീതടം സന്ദര്‍ശിച്ച ശേഷം ഈ മാസം 17ന് സുപ്രീംകോടതിയില്‍ റിപ്പോര്‍ട്ട് സമര്‍പ്പിക്കും.

Center formed high level technical team to solve Cauvery issue

Center formulated high level technical team instead of the water board adviced by the SC earlier. Delegates from Karnataka,Kerala,Tamilnadu and Pudechery will be the members in it.