കേരളത്തിന്‍റെ പുനര്‍നിര്‍മ്മാണത്തിനായി കേന്ദ്രം നെതര്‍ലാന്‍ഡിനോട് സഹായം തേടി

ന്യൂഡല്‍ഹി: കേരളത്തിന്‍റെ പുനര്‍നിര്‍മ്മാണത്തിനായി കേന്ദ്ര സര്‍ക്കാര്‍ നെതര്‍ലാന്‍ഡിനോട് സഹായം തേടി. വിദേശകാര്യ മന്ത്രി സുഷമാ സ്വരാജിന്‍റെ അനുമതിയോടെ ഇന്ത്യന്‍ അംബാസിഡര്‍ വേണു രാജാമണി കേന്ദ്രത്തിന്‍റെ കത്ത് നെതര്‍ലന്‍ഡിനു കൈമാറി.

ഇതേ തുടര്‍ന്ന് കൈക്കൊള്ളേണ്ട നടപടികള്‍ക്ക് സമയം വേണമെന്ന് നെതര്‍ലാന്‍ഡ് അറിയിച്ചു.

ഇതു വരെ മുഖ്യമന്ത്രിയുടെ ദുരിതാശ്വാസ നിധിയില്‍ 1619. 2 കോടി രൂപ എത്തിയിട്ടുണ്ട്. നവ കേരളത്തിനായി എംപിമാരുടെ പ്രാദേശിക വികസന ഫണ്ടില്‍ നിന്നും 40 കോടി രൂപ നല്‍കാനും തീരുമാനമായിട്ടുണ്ട്. രാജ്യത്ത് നൂറ് എംപിമാര്‍ ചേര്‍ന്ന് 43.66 കോടി രൂപയാണ് കേരളത്തിനായി അനുവദിച്ചിരിക്കുന്നത്.