എന്താണ് 'പിഎം കെയർസ്', വിദേശത്ത് നിന്ന് പണം വാങ്ങാമോ?; വിശദീകരണവുമായി കേന്ദ്രം

ന്യൂഡൽഹി: അടിയന്തര സാഹചര്യങ്ങളിൽ വിദേശരാജ്യങ്ങളിൽ നിന്ന് സാമ്പത്തിക സഹായം സ്വീകരിക്കാൻ ഇന്ത്യ. പ്രധാനമന്ത്രിയുടെ 'പിഎം കെയർസ്' മുഖേനെ പണം വാങ്ങാൻ കഴിയുന്നതാണ് പുതിയ രീതി.

Also Read: യുഎസും ചൈനയും 'നേർക്കുനേർ'; കൊവിഡ് മരുന്ന് പരീക്ഷണം മനുഷ്യരിൽ?

വിദേശ രാജ്യങ്ങളിൽ പ്രവർത്തിക്കുന്ന വ്യക്തികളിൽ നിന്നും ഓർഗനൈസേഷനുകളിൽ നിന്നുമുള്ള സംഭാവനകൾ പിഎം കെയർസിന് സ്വീകരിക്കാം. പ്രധാനമന്ത്രിയുടെ ദേശീയ ദുരിതാശ്വാസ നിധിയായ പി‌എം‌എൻ‌ആർ‌എഫുമായി സമാനതകളുള്ള പദ്ധതിയാണിത്. ഈ മാർഗം വിദേശരാജ്യങ്ങളിൽ സഹായം വാങ്ങാൻ ഇന്ത്യക്ക് കഴിയും.

പിഎം കെയർസ് ഫണ്ടുമായി ബന്ധപ്പെട്ട് ആശങ്കകൾ ശക്തമായതോടെയാണ് വിശദീകരണവുമായി കേന്ദ്ര സർക്കാർ രംഗത്തുവന്നത്. പ്രധാനമന്ത്രി ചെയർമാനും പ്രതിരോധ മന്ത്രി രാജ്നാഥ് സിംഗ്, ആഭ്യന്തര മന്ത്രി അമിത് ഷാ, ധനമന്ത്രി നിർമല സീതാരാമൻ എന്നിവരടങ്ങിയ ട്രസ്‌റ്റിനാണ് പിഎം കെയർസ് ഫണ്ടിന്‍റെ മേൽനോട്ട ചുമതല.

Also Read: കൊവിഡ് അടുത്തെത്തി, ഒന്നുമറിയാതെ ദ്വീപുകാർ; ആൻഡമാൻ നിക്കോബാർ പ്രദേശം നിയന്ത്രണത്തിൽ

കൊവിഡ് പ്രതിരോധ പ്രവർത്തനങ്ങൾക്കായിട്ടാണ് പിഎം കെയർസ് ആരംഭിച്ചത്. ഇതിലേക്ക് നൽകുന്ന സംഭാവനകൾ നികുതി രഹിതമാക്കുന്നതിനുള്ള ഓർഡിനൻസ് സർക്കാർ നേരത്തെ പുറത്തിറക്കിയിരുന്നു. കൂടുതൽ ആളുകൾക്ക് പദ്ധതിയുമായി ചേർന്ന് നിന്ന് പ്രവർത്തിക്കണമെന്ന ലക്ഷ്യം മുൻ നിർത്തിയാണ് ഇളവുകൾ അനുവദിച്ചത്.