ലോക്ക്ഡൗണ് ഇളവുകളില് കൊവിഡ് കുതിപ്പ്
രാജ്യത്ത് ലോക്ക്ഡൗണ് ഇളവുകള് പ്രഖ്യാപിച്ച ശേഷം കൊവിഡ് ബാധിതരുടെ എണ്ണത്തില് വന് തോതിലുള്ള വര്ധനവാണ് രേഖപ്പെടുത്തിയത്. ഇളവുകള് നടപ്പാക്കിയതിനുശേഷം പലയിടങ്ങളിലും ജനങ്ങള് സാമൂഹ്യ അകലം പാലിക്കുന്നില്ലെന്നതാണ് കൊവിഡ് കേസുകള് വര്ധിക്കുന്നതിനുള്ള പ്രധാന കാരണം. ഇതിനിടെയാണ് ചില സംസ്ഥാനങ്ങള് ഇളവുകളില് പുതിയ മാര്ഗരേഖകള് വേണമെന്ന ആവശ്യം ഉന്നയിച്ചത്.
നാളെ മുതല് ലോക്ക്ഡൗണ് അഞ്ചാംഘട്ടത്തിലേയ്ക്ക്
രാജ്യത്ത് നാലാംഘട്ട ലോക്ക്ഡൗണ് ഇന്ന് അവസാനിക്കുന്നതോടെ, കൂടുതല് ഇളവുകളോടെ നാളെ അഞ്ചാം ഘട്ട ലോക്ക്ഡൗണിലേയ്ക്ക് രാജ്യം കടക്കുകയാണ്. ആരാധനാലയങ്ങള്, ഹോട്ടലുകള്, ഷോപ്പിംഗ് മാളുകള് തുടങ്ങിയവ തുറക്കാന് അഞ്ചാംഘട്ടത്തില് കേന്ദ്രസര്ക്കാര് അനുമതി നല്കിയിരുന്നു. ലോക്ക്ഡൗണ് നിയന്ത്രണങ്ങള്ക്കിടയിലും രാജ്യത്ത് കൊവിഡ് കേസുകള് വര്ധിക്കുമ്പോള് ഇളവുകള് നടപ്പാക്കിയാല് വന് വര്ധനവ് ആയിരിക്കും ഉണ്ടാകുകയെന്നാണ് കണക്കുക്കൂട്ടല്.
ഇളവുകളില് സാമൂഹിക അകലം എങ്ങനെ പാലിക്കും?
രാജ്യത്ത് അഞ്ചാംഘട്ട ലോക്ക്ഡൗണില് ഇളവുകള് നടപ്പാക്കുമ്പോള് സാമൂഹിക അകലം പാലിക്കലും മാസ്ക് ധരിക്കലും തുടങ്ങിയ കൊവിഡ് പ്രതിരോധ മാര്ഗനിര്ദേശങ്ങള് എങ്ങനെ പാലിക്കുമെന്നാണ് ചില സംസ്ഥാനങ്ങളുടെ ആശങ്ക. ഇക്കാര്യത്തില് കേന്ദ്രം കര്ശന മാര്ഗനിര്ദേശം പുറപ്പെടുവിക്കണമെന്നും സംസ്ഥാനങ്ങള് ആവശ്യപ്പെട്ടിട്ടുണ്ട്. ഈ നിര്ദേശങ്ങള് കേന്ദ്രമന്ത്രിസഭാ ഉപസമിതി ചര്ച്ച ചെയ്യുമെന്നാണ് റിപ്പോര്ട്ട്.
കഴിഞ്ഞ 24 മണിക്കൂറിനിടെ 9,971 കൊവിഡ് കേസുകള്
ഒറ്റദിവസം രാജ്യത്ത് റിപ്പോര്ട്ട് ചെയ്തതു പതിനായിരത്തിനടുത്ത് കൊവിഡ് കേസുകള്. 24 മണിക്കൂറിനിടെ 9971 കേസുകളാണ് റിപ്പോര്ട്ട് ചെയ്തത്. ഇതോടെ, രാജ്യത്തെ ആകെ കൊവിഡ് കേസുകള് 246,628 ആയി ഉയര്ന്നു. ഒരു ദിവസം റിപ്പോര്ട്ട് ചെയ്യുന്ന ഏറ്റവും ഉയര്ന്ന കണക്കാണിത്. കൊവിഡ് രോഗികളുടെ എണ്ണത്തില് സ്പെയിനിനെയും മറികടന്ന് ഇന്ത്യ അഞ്ചാം സ്ഥാനത്തെത്തി. 24 മണിക്കൂറിനിടെ രാജ്യത്ത് 287 മരണമാണ് റിപ്പോര്ട്ട് ചെയ്തത്. ഇതോടെ മരണസംഖ്യ 6,929 ആയി ഉയര്ന്നു.