ഇന്ധനവില കുറയ്ക്കാന്‍ കഴിയില്ലെന്ന് കേന്ദ്രസര്‍ക്കാര്‍

ന്യൂഡല്‍ഹി: രാജ്യത്ത് പെട്രോള്‍-ഡീസല്‍ വില കുറയ്ക്കില്ലെന്ന് ആവര്‍ത്തിച്ച് കേന്ദ്രസര്‍ക്കാര്‍. നികുതി കുറയ്ക്കണമെന്ന നിര്‍ദ്ദേശം കേന്ദ്ര ധനമന്ത്രാലയം തള്ളി. ഇന്ധനവില കുറച്ചാല്‍ ധനകമ്മി ഉയരുമെന്നും രൂപയുടെ മൂല്ല്യത്തില്‍ വന്‍ ഇടിവ് സംഭവിക്കുമെന്നുമാണ് കേന്ദ്രത്തിന്‍റെ വാദം.

രൂപയുടെ മൂല്യത്തില്‍ റെക്കോര്‍ഡ് ഇടിവാണ് സംഭവിച്ചുകൊണ്ടിരിക്കുന്നത്. ഈ സാഹചര്യത്തില്‍ ഇന്ധനവില കുറയ്ക്കുന്നത് പ്രായോഗികമല്ല. ഇത് വികസന പ്രവര്‍ത്തനങ്ങളെ ദോഷകരമായി ബാധിക്കുമെന്നും കേന്ദ്രം വാദിക്കുന്നു.

ഇന്ധനവില അനിയന്ത്രിതമായി ഉയരുന്ന സാഹചര്യത്തില്‍ രാജ്യവ്യാപകമായി കഴിഞ്ഞ ദിവസം പ്രതിപക്ഷ കക്ഷികള്‍ ബന്ദ് നടത്തിയിരുന്നു. ഇതിന് പിന്നാലെ കേന്ദ്രസര്‍ക്കാരിനെതിരെ പ്രതിഷേധം കനക്കുന്നതിനിടെയാണ് ഇന്ധനവില കുറയ്ക്കാനാവില്ലെന്ന നിലപാട് വ്യക്തമാക്കി കേന്ദ്രം രംഗത്തെത്തിയിരിക്കുന്നത്.