സിനിമാ നിയമങ്ങള്‍ സമഗ്രമായി പരിഷ്കരിക്കാൻ ഒരുങ്ങി കേന്ദ്രം; കരട് ബിൽ തയ്യാറാക്കി

ന്യൂഡൽഹി: രാജ്യത്തെ സിനിമാ നിയമങ്ങള്‍ സമഗ്രമായി പരിഷ്കരിക്കാൻ ഒരുങ്ങി കേന്ദ്ര സര്‍ക്കാര്‍. സിനിമാട്ടോഗ്രാഫ് ഭേദഗതി ബിൽ 2021 ന്റെ കരട് തയ്യാറാക്കി. സെൻസര്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്മേലുള്ള പുനപരിശോധന അധികാരങ്ങള്‍ തിരികെ കൊണ്ടുവരാൻ സാധിക്കുമെന്നതാണ് പ്രത്യേകത.

Also Read : രാജ്യത്ത് പ്രതിദിന കൊവിഡ് കേസുകളിൽ കുറവ് തുടരുന്നു; മരണനിരക്കിലും കുറവ്

അതിന് പുറമെ, സിനിമയുടെ വ്യാജ പകര്‍പ്പുകള്‍ നിര്‍മ്മിച്ചാൽ തടവ് ശിക്ഷയും പിഴയും ശുപാര്‍ശ ചെയ്യുന്നുണ്ട്. പുതിയ ബിൽ പ്രകാരം വ്യാജപതിപ്പ് നിർമിച്ചാൽ മൂന്ന് മാസം വരെ തടവും മൂന്ന് ലക്ഷം രൂപ പിഴയും ഈടാക്കാനാണ് കരടിലെ വ്യവസ്ഥ.

നേരത്തെ സെൻസര്‍ ബോ‍ർഡ് അനുമതി നൽകിയ സിനിമകള്‍ പുന പരിശോധിക്കാമെന്ന കേന്ദ്ര സര്‍ക്കാരിന്റെ തീരുമാനം ഹൈക്കോടതി റദ്ദാക്കിയിരുന്നു. പിന്നീട്, 2000 നവംബറിൽ കര്‍ണാടക ഹൈക്കോടതി ഉത്തരവ് സുപ്രീം കോടതി ശരിവയ്ക്കുകയും ചെയ്തിരുന്നു.

Also Read : കളിക്കുന്നിതിനിടെ ഫ്ലാറ്റിലെ മുറിയിൽ കുടുങ്ങി ഇരട്ടക്കുട്ടികൾ; രക്ഷകരായി കൊവിഡ് ഡ്യൂട്ടിയിലുണ്ടായിരുന്ന പോലീസ്

കേന്ദ്ര സര്‍ക്കാര്‍ പുതിയ ബില്ലിൽ പൊതുജനാഭിപ്രായം തേടിയിട്ടുണ്ട്. ജൂലൈ രണ്ടിനുള്ളിൽ അഭിപ്രായം വാര്‍ത്താ വിതരണ പ്രക്ഷേപണ മന്ത്രാലയത്തെ അറിയിക്കാനാണ് നിര്‍ദ്ദേശം.