യോഗി ആദിത്യനാഥിന് കേന്ദ്രത്തിന്‍റെ സഡ് പ്ലസ് സംരക്ഷണം

ന്യൂഡല്‍ഹി: ഉത്തര്‍ പ്രദേശിന്‍റെ പുതിയ മുഖ്യമന്ത്രിയായി ചുമതലയേറ്റ യോഗി ആദിത്യനാഥിന് സഡ് പ്ലസ് വിഭാഗത്തിലുള്ള സംരക്ഷണം നല്‍കാന്‍ കേന്ദ്ര സര്‍ക്കാരിന്‍റെ തീരുമാനം. വിവിഐപി പരിഗണന നല്‍കിയാണ് ആദിത്യനാഥിന് ഏറ്റവും ഉയര്‍ന്ന തലത്തിലുള്ള സംരക്ഷണം നല്‍കുന്നത്.

സിഐഎസ്എഫിന്‍റെ പ്രത്യേക കമാന്‍ഡോകളായിരിക്കും ഇനിമുതല്‍ ആദിത്യനാഥിന് സംരക്ഷണം നല്‍കുക. ഉത്തര്‍പ്രദേശ് പോലീസിലെ ഒരു വിഭാഗവും കൂടെയുണ്ടാകും. ഇതുവരെ എംപി എന്ന നിലയില്‍ വൈ വിഭാഗത്തിലുള്ള സാധാരണ സംരക്ഷണം മാത്രമേ നല്‍കിയിരുന്നുള്ളു. എന്നാല്‍ യുപി മുഖ്യമന്ത്രിസ്ഥാനം ഏറ്റെടുത്തതിനെത്തുടര്‍ന്ന് സുരക്ഷാപ്രശ്‍നങ്ങള്‍ ഉണ്ടാകാനുള്ള സാധ്യത കണക്കിലെടുത്താണ് പുതിയ തീരുമാനം.

പുതിയ വിഭാഗത്തിലുള്ള സംരക്ഷണം ലഭിച്ചതോടെ ആധുനിക ആയുധങ്ങളുമേന്തി 25 മുതല്‍ 28 വരെ കമാന്‍ഡോകള്‍ ഇനി ആദിത്യനാഥനൊപ്പമുണ്ടാകും. കൂടാതെ വാഹനത്തിനു മുന്നില്‍ പൈലറ്റ് വാഹനവും പിന്നില്‍ എസ്‍കോര്‍ട്ട് വാഹനവും ഉണ്ടാകും.

Centre accords Z+ VVIP security cover to UP CM Yogi Adityanath

The Centre has accorded the top category 'Z+' VVIP armed security cover to newly-appointed Uttar Pradesh Chief Minister Yogi Adityanath.