മീ ടൂ: നിയമപരിഷ്കരണത്തിനൊരുങ്ങി കേന്ദ്രസര്‍ക്കാര്‍

ന്യൂഡല്‍ഹി: വര്‍ധിച്ചുവരുന്ന മീ ടൂ ആരോപണങ്ങളുടെ പശ്ചാത്തലത്തില്‍ 2013ലെ നിയമം പരിഷ്കരിക്കാനൊരുങ്ങി കേന്ദ്രസര്‍ക്കാര്‍. ഇതിനായി സര്‍ക്കാര്‍ പുതിയ സമിതിയെ രൂപീകരിച്ചു. കേന്ദ്ര ആഭ്യന്തരമന്ത്രി രാജ്‍നാഥ് സിങ് അധ്യക്ഷനായ സമിതിക്കാണ് രൂപം നല്‍കിയിരിക്കുന്നത്.

തൊഴിലിടങ്ങളിലെ ലൈംഗീക പീഡനങ്ങള്‍ തടയുകയാണ് സര്‍ക്കാരിന്‍റെ ലക്ഷ്യം. ഇതുസംബന്ധിച്ച പുതിയ ചട്ടങ്ങള്‍ നിയമസമിതി രൂപപ്പെടുത്തും. കേന്ദ്രമന്ത്രിമാരായ നിര്‍മല സീതാരാമന്‍, നിതിന്‍ഗഡ്കരി, മേനകാ ഗാന്ധി എന്നിവരടങ്ങുന്നതാണ് സമിതി. മീ ടൂ ആരോപണത്തെ തുടര്‍ന്ന് എംജെ അക്ബര്‍ കഴിഞ്ഞ ദിവസം കേന്ദ്രമന്ത്രി സ്ഥാനം രാജി വെച്ചിരുന്നു. ഇതിന് പിന്നാലെയാണ് കേന്ദ്രത്തിന്‍റെ നടപടി.