മധ്യപ്രദേശ് ഇനി ബിജെപി ഭരിക്കും; ശിവരാജ് സിങ് ചൗഹാൻ മുഖ്യമന്ത്രിയായേക്കും

ഭോപ്പാൽ: രാഷ്‌ട്രീയ പ്രതിസന്ധി തുടരുന്ന മധ്യപ്രദേശിൽ ബിജെപി അധികാരത്തിലേക്ക്. മുതിർന്ന നേതാവ് ശിവരാജ് സിങ് ചൗഹാൻ മുഖ്യമന്ത്രിയാകുമെന്ന റിപ്പോർട്ടുകൾ പുറത്തുവന്നു. ഇന്ന് രാത്രി 7 മണിക്ക് സത്യപ്രതിജ്ഞ നടക്കുമെന്നാണ് വിവരം.

വൈകിട്ട് ബിജെപിയുടെ നിയമസഭാകക്ഷി യോഗം നടക്കും. ഇതിന് പിന്നാലെയാകും സത്യപ്രതിജ്ഞ നടക്കുക. മുഖ്യമന്ത്രി കസേരയിലേക്ക് നരോത്തം മിശ്ര, കേന്ദ്ര മന്ത്രി നരേന്ദ്ര സിങ് തോമർ എന്നിവരുടെ പേരുകൾ ഉയരുന്നുണ്ടെങ്കിലും ശിവരാജ് സിങ് ചൗഹാൻ മുഖ്യമന്ത്രിയാകാനാണ് സാധ്യത കൂടുതൽ. തുടർച്ചയായി 15 വർഷം മധ്യപ്രദേശ് മുഖ്യമന്ത്രിയായിരുന്ന അദ്ദേഹത്തിന് ബിജെപിയിൽ നിന്നും ശക്തമായ പിന്തുണ ലഭിക്കുന്നുണ്ട്.