ഡിസ്കോ ക്ലബുകളിൽ കുട്ടിപ്പാവാടയ്ക്ക് വിലക്ക്

പഞ്ചാബിലെ ചണ്ഡിഗഢില്‍ ഡിസ്കോ ക്ലബുകളില്‍ കുട്ടിപ്പാവാടയ്ക്ക് നിരോധനം. പൊതുവിനോദ കേന്ദ്രങ്ങളില്‍ നിയന്ത്രണമേര്‍പ്പെടുത്തുന്നതിന്റെ ഭാഗമായാണ് നിരോധനം. പുതിയ നിയമം അനുസരിച്ച്‌ മാന്യതയ്ക്ക് നിരക്കാത്ത വിധത്തില്‍ വസ്ത്രം ധരിച്ചെത്തുന്ന സ്ത്രീകളെയും അല്പവസ്ത്രധാരികളും ഡിസ്കോ കേന്ദ്രങ്ങളില്‍ നിന്ന് പുറത്താക്കും.

'പൊതുവിനോദകേന്ദ്രങ്ങളിലെ നിയന്ത്രണ നിയമം 2016' പ്രകാരമാണ് ഈ പുറത്താക്കല്‍ നടപടി. ഡിസ്കോകള്‍ ദേശവിരുദ്ധ ഘടകങ്ങള്‍ക്ക് പ്രചോദനം നല്‍കുന്നുവെന്ന് അധികൃതര്‍ കണ്ടെത്തിയതിനെ തുടര്‍ന്നാണ് ഈ നടപടിയെന്ന് ചണ്ഡിഗഢ് ഭരണകൂടം വ്യക്തമാക്കി.