റായ്പുര്: മാവോയിസ്റ്റുകളുടെ ആക്രമണത്തില് ഛത്തീസ്ഗഢ് ബിജെപി എംഎല്എയും നാല് സുരക്ഷ ഉദ്യോഗസ്ഥരും കൊല്ലപ്പെട്ടു. മാവോയിസ്റ്റ് സ്വാധീന മേഖലയായ ബസ്തറില് തെരഞ്ഞെടുപ്പ് പ്രചരണം നടത്തി മടങ്ങിയ എംഎല്എ ഭീമ മാണ്ഡവി സഞ്ചരിച്ചിരുന്ന കാര് സ്ഫോടനത്തില് തകര്ക്കുകയായിരുന്നു. ലോക് സഭ തെരഞ്ഞെടുപ്പില് ഛത്തീസ്ഗഢ് വോട്ട് ചെയ്യാന് രണ്ട് ദിവസങ്ങള് മാത്രം ശേഷിക്കെയാണ് ആക്രമണം. മാവോയിസ്റ്റ് അധീന പ്രദേശമായ ദാന്തെവാഡ ജില്ലയിലെ കുവക്കോണ്ട മേഖലയിലെ പ്രചരണം കഴിഞ്ഞ് മടങ്ങുകയായിരുന്നു എംഎല്എ.
ദന്തെവാഡ നിയോജക മണ്ഡലത്തിലെ നിയമസഭാംഗമായിരുന്നു കൊല്ലപ്പെട്ട ഭീമ മാണ്ഡവി. സ്ഫോടനത്തില് കാര് പൂര്ണമായും തകര്ന്നു. മൃതദേഹങ്ങള് ഛിന്നഭിന്നമായ അവസ്ഥയിലാണ്. ബുള്ളറ്റ് പ്രൂഫ് വാഹനത്തിലാണ് മാണ്ഡവി സഞ്ചരിച്ചിരുന്നത്. പക്ഷേ, വളരെ ശക്തിയുള്ള സ്ഫോടനത്തില് കാര് തിരിച്ചറിയാന് പറ്റാത്തവിധം പൊട്ടിത്തെറിച്ചു.
വൈകീട്ട് 4.30ന് ആണ് ആക്രമണം ഉണ്ടായത്. നാല് മാസം മുന്പാണ് ഭീമ മാണ്ഡവി തെരഞ്ഞെടുപ്പില് ജയിച്ചത്.
കഴിഞ്ഞ ഒരാഴ്ച്ചയ്ക്ക് ഇടയില് മൂന്നു തവണയാണ് ബസ്തര് മേഖലയില് മാവോയിസ്റ്റ് ആക്രമണം നടക്കുന്നത്. കോണ്ഗ്രസ് ഛത്തീസ്ഗഢില് അധികാരത്തില് എത്തിയതിന് ശേഷം പൊതുവെ മാവോയിസ്റ്റ് ആക്രമണങ്ങള് കുറവായിരുന്നു. ലോക് സഭ തെരഞ്ഞെടുപ്പ് പ്രഖ്യാപിച്ചതിന് ശേഷം സുരക്ഷ ഉദ്യോഗസ്ഥരെ ലക്ഷ്യമിട്ടുള്ള ആക്രമണങ്ങള് പെരുകുകയാണിപ്പോള്.
ദന്തെവാഡ നിയോജക മണ്ഡലത്തിലെ നിയമസഭാംഗമായിരുന്നു കൊല്ലപ്പെട്ട ഭീമ മാണ്ഡവി. സ്ഫോടനത്തില് കാര് പൂര്ണമായും തകര്ന്നു. മൃതദേഹങ്ങള് ഛിന്നഭിന്നമായ അവസ്ഥയിലാണ്. ബുള്ളറ്റ് പ്രൂഫ് വാഹനത്തിലാണ് മാണ്ഡവി സഞ്ചരിച്ചിരുന്നത്. പക്ഷേ, വളരെ ശക്തിയുള്ള സ്ഫോടനത്തില് കാര് തിരിച്ചറിയാന് പറ്റാത്തവിധം പൊട്ടിത്തെറിച്ചു.
വൈകീട്ട് 4.30ന് ആണ് ആക്രമണം ഉണ്ടായത്. നാല് മാസം മുന്പാണ് ഭീമ മാണ്ഡവി തെരഞ്ഞെടുപ്പില് ജയിച്ചത്.
കഴിഞ്ഞ ഒരാഴ്ച്ചയ്ക്ക് ഇടയില് മൂന്നു തവണയാണ് ബസ്തര് മേഖലയില് മാവോയിസ്റ്റ് ആക്രമണം നടക്കുന്നത്. കോണ്ഗ്രസ് ഛത്തീസ്ഗഢില് അധികാരത്തില് എത്തിയതിന് ശേഷം പൊതുവെ മാവോയിസ്റ്റ് ആക്രമണങ്ങള് കുറവായിരുന്നു. ലോക് സഭ തെരഞ്ഞെടുപ്പ് പ്രഖ്യാപിച്ചതിന് ശേഷം സുരക്ഷ ഉദ്യോഗസ്ഥരെ ലക്ഷ്യമിട്ടുള്ള ആക്രമണങ്ങള് പെരുകുകയാണിപ്പോള്.