ചത്തീസ്‍ഗഢ്ല്‍ ബസ് തോട്ടിലേക്ക് മറിഞ്ഞ് 13 പേ‍ര്‍ മരിച്ചു

ചത്തീസ്‍ഗഢ്ല്‍ ബസ് തോട്ടിലേക്ക് മറിഞ്ഞ് 13 പേ‍ര്‍ മരിച്ചു. അപകടത്തില്‍ 53 പേര്‍ക്ക് പരുക്കേറ്റു. ഇന്നലെ രാത്രിയാണ് അപകടം നടന്നത്. ബല്‍രംപൂര്‍ ജില്ലയിലാണ് അപകടം നടന്നത്. ഒരു സ്വകാര്യ ബസാണ് അപകടത്തില്‍പെട്ടത്. റായ്പൂരില്‍ നിന്ന് ജാര്‍ഖണ്ഡിലെ ഗദ്വയിലേക്ക് പോവുകയായിരുന്ന ബസ് രാത്രി 10.30 ഓടെ അപകടത്തില്‍ പെടുകയായിരുന്നു.

ഒരു ബൈക്ക് യാത്രക്കാരനെ രക്ഷിക്കാന്‍ ശ്രമിക്കുന്പോഴായിരുന്നു അപകടമെന്ന് വിവരങ്ങള്‍. നിയന്ത്രണം വിട്ട ബസ് തോട്ടിലേക്ക് മറിയുകയായിരുന്നു. ബസ് മൂന്ന് തവണ കീഴ്മേല്‍ മറിഞ്ഞു. അപകടം നടന്ന ഉടനെ പോലീസ് സ്ഥലത്തെത്തി രക്ഷാപ്രവര്‍ത്തനങ്ങള്‍ ആരംഭിച്ചു. ഗുരുതരമായി പരുക്കേറ്റ പതിനാറുപേരെ അംബികാപുര്‍ ജില്ലാ ആശുപത്രിയില്‍ പ്രവേശിപ്പിച്ചു. മറ്റുള്ളവരെ ബല്‍റാംപുരിലുള്ള പ്രാദേശിക ആശുപത്രിയില്‍ പ്രവേശിപ്പിച്ചു.