ന്യൂഡൽഹി: ലോക്സഭാ തെരഞ്ഞെടുപ്പ് പുരോഗമിക്കുമ്പോൾ ബിജെപി അവരുടെ പ്രചാരണരീതിയിൽ മാറ്റം വരുത്തിയിട്ടുണ്ടോ? ഉണ്ടെന്നാണ് മുതിർന്ന കോൺഗ്രസ് നേതാവ് പി ചിദംബരം പറയുന്നത്. തുടക്കത്തിൽ 'മോദി സർക്കാർ' എന്ന് പറഞ്ഞായിരുന്നു പ്രചാരണം. എന്നാൽ പിന്നീട് 'ബിജെപി സർക്കാർ' എന്നായി മാറി. ഇന്നലെ വരെ അത് തുടർന്നു. ഇപ്പോൾ 'എൻഡിഎ സർക്കാർ' എന്നാണ് ബിജെപി പ്രചാരണങ്ങളിൽ പറയുന്നത്. തന്റെ എക്സ് പോസ്റ്റിലാണ് ചിദംബരം ഇക്കാര്യം പറഞ്ഞത്.
രാജ്യത്തെ സമ്പത്ത് പിടിച്ചെടുത്ത് ചില വിഭാഗങ്ങൾക്ക് വിതരണം ചെയ്യുമെന്ന് കോൺഗ്രസ്സിന്റെ പ്രകടനപത്രികയിൽ പറഞ്ഞിട്ടുണ്ടെന്ന് പ്രധാനമന്ത്രി നരേന്ദ്ര മോദി പ്രസ്താവിക്കുകയുണ്ടായി. കോൺഗ്രസ് അധികാരത്തിലെത്തിയാൽ എല്ലാ സ്ത്രീകളുടെയും മംഗല്യസൂത്രം നഷ്ടപ്പെടുമെന്നും പ്രധാനമന്ത്രി പറയുകയുണ്ടായി.
എന്നാൽ സമ്പത്ത് പിടിച്ചെടുത്ത് പുനർവിതരണം ചെയ്യുമെന്ന് പ്രകടനപത്രികയിൽ എവിടെയാണ് പറഞ്ഞിരിക്കുന്നതെന്ന് പി ചിദംബരം അടക്കമുള്ള കോൺഗ്രസ് നേതാക്കൾ ചോദ്യമുന്നയിച്ച് രംഗത്തെത്തി. 45 പേജുള്ള പ്രകടനപത്രികയിൽ അത്തരമൊരു കാര്യം എവിടെയാണ് പറയുന്നതെന്ന് അദ്ദേഹം ചോദിച്ചു.
മുസ്ലിങ്ങൾക്ക് പ്രത്യേക സംവരണം നല്‍കുമെന്ന് കോൺഗ്രസ് പ്രകടന പത്രികയിലുണ്ടെന്ന ബിജെപി പ്രചാരണത്തെയും ചിദംബരം ചോദ്യം ചെയ്തു. പ്രകടനപത്രികയിൽ എവിടെയാണ് അത് പറഞ്ഞിരിക്കുന്നതെന്ന് ചോദിച്ച് വീണ്ടും കോൺഗ്രസ് രംഗത്തുവന്നു.
രാജ്യത്തെ സമ്പത്ത് പിടിച്ചെടുത്ത് ചില വിഭാഗങ്ങൾക്ക് വിതരണം ചെയ്യുമെന്ന് കോൺഗ്രസ്സിന്റെ പ്രകടനപത്രികയിൽ പറഞ്ഞിട്ടുണ്ടെന്ന് പ്രധാനമന്ത്രി നരേന്ദ്ര മോദി പ്രസ്താവിക്കുകയുണ്ടായി. കോൺഗ്രസ് അധികാരത്തിലെത്തിയാൽ എല്ലാ സ്ത്രീകളുടെയും മംഗല്യസൂത്രം നഷ്ടപ്പെടുമെന്നും പ്രധാനമന്ത്രി പറയുകയുണ്ടായി.
എന്നാൽ സമ്പത്ത് പിടിച്ചെടുത്ത് പുനർവിതരണം ചെയ്യുമെന്ന് പ്രകടനപത്രികയിൽ എവിടെയാണ് പറഞ്ഞിരിക്കുന്നതെന്ന് പി ചിദംബരം അടക്കമുള്ള കോൺഗ്രസ് നേതാക്കൾ ചോദ്യമുന്നയിച്ച് രംഗത്തെത്തി. 45 പേജുള്ള പ്രകടനപത്രികയിൽ അത്തരമൊരു കാര്യം എവിടെയാണ് പറയുന്നതെന്ന് അദ്ദേഹം ചോദിച്ചു.
മുസ്ലിങ്ങൾക്ക് പ്രത്യേക സംവരണം നല്‍കുമെന്ന് കോൺഗ്രസ് പ്രകടന പത്രികയിലുണ്ടെന്ന ബിജെപി പ്രചാരണത്തെയും ചിദംബരം ചോദ്യം ചെയ്തു. പ്രകടനപത്രികയിൽ എവിടെയാണ് അത് പറഞ്ഞിരിക്കുന്നതെന്ന് ചോദിച്ച് വീണ്ടും കോൺഗ്രസ് രംഗത്തുവന്നു.