ആപ്പ്ജില്ല

ഐ.എന്‍.എക്സ്. മീഡിയ കേസില്‍ ഇനിയാരെയും അറസ്റ്റ് ചെയ്യേണ്ട; അറസ്റ്റിനുശേഷം ചിദംബരത്തിന്‍റെ ആദ്യ ട്വീറ്റ്

ഓഗസ്റ്റ് 21-ന് അര്‍ധരാത്രിയാണ് നാടകീയ രംഗങ്ങള്‍ക്കൊടുവില്‍ മുന്‍ ധനമന്ത്രിയും കോണ്‍ഗ്രസ് നേതാവുമായ ചിദംബരത്തെ അദ്ദേഹത്തിന്‍റെ വസതിയില്‍ വെച്ച് സി.ബി.ഐ. അറസ്റ്റ് ചെയ്‍തത്.

Samayam Malayalam 9 Sept 2019, 1:20 pm
ന്യൂഡല്‍ഹി: ഐ.എന്‍.എക്സ്. മീഡിയ അഴിമതി കേസില്‍ ഇനിയാരെയും അറസ്റ്റു ചെയ്യേണ്ടതില്ലെന്ന് കേസില്‍ അറസ്റ്റിലായി തിഹാര്‍ ജയിലില്‍ കഴിയുന്ന കോണ്‍ഗ്രസ് നേതാവ് പി.ചിദംബരം.
Samayam Malayalam chidambaram.


അറസ്റ്റിലായതിനുശേഷം ആദ്യമായാണ് ചിദംബരത്തിന്‍റെ പ്രതികരണം പുറത്തുവരുന്നത്. അദ്ദേഹത്തിന്‍റെ ഔദ്യോഗിക ട്വിറ്റര്‍ പേജിലാണ് പ്രതികരണം വന്നത്. കുടുംബാംഗങ്ങളാണ് ചിദംബരത്തിന്‍റെ ട്വിറ്റര്‍ അക്കൗണ്ട് കൈകാര്യം ചെയ്യുന്നത്. അദ്ദേഹത്തിന്‍റെ നിര്‍ദേശപ്രകാരം കുടുംബാംഗങ്ങള്‍ ട്വീറ്റ് ചെയ്യുകയായിരുന്നു.

കേസ് തന്നിലേക്കെത്തിച്ച ഡസന്‍ കണക്കിന് ഓഫീസര്‍മാര്‍ അറസ്റ്റ് ചെയ്യപ്പെടാതെ താന്‍ മാത്രം അറസ്റ്റ് ചെയ്യപ്പെട്ടത് അവസാനത്തെ ഒപ്പ് തന്‍റേതായതുകൊണ്ടാണോ എന്ന് ആളുകള്‍ സംശയിക്കുന്നുണ്ടാവും.

ഇതിന് തനിക്ക് മറുപടിയില്ലെന്നും എന്നാല്‍ ഒരു ഓഫീസറും തെറ്റൊന്നും ചെയ്‍തിട്ടില്ലെന്നും അതിനാല്‍ ആരെയും അറസ്റ്റ് ചെയ്യരുതെന്നും ചിദംബരം പറഞ്ഞു.

മുന്‍ ധനമന്ത്രിയും മുതിര്‍ന്ന കോണ്‍ഗ്രസ് നേതാവുമായ ചിദംബരത്തെ ഓഗസ്റ്റ് 21-ന് അര്‍ധരാത്രിയാണ് അറസ്റ്റ് ചെയ്‍തത്. നിരവധി നാടകീയ സംഭവങ്ങള്‍ക്കൊടുവിലാണ് ചിദംബരത്തെ അദ്ദേഹത്തിന്‍റെ വസതിയായ ജോര്‍ ബാഗില്‍ നിന്ന് സി.ബി.ഐ. സംഘം അറസ്റ്റ് ചെയ്‍തത്.

രണ്ടാഴ്‍ചയോളമാണ് സി.ബി.ഐ. ചിദംബരത്തെ ചോദ്യംചെയ്‍തത്. സെപ്റ്റംബര്‍ അഞ്ചിനാണ് സുപ്രീം കോടതി ചിദംബരത്തെ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ വിടാന്‍ ഉത്തരവിട്ടത്.

ആര്‍ട്ടിക്കിള്‍ ഷോ

ട്രെൻഡിങ്