കൊവിഡ് -19നെ നേരിടുന്നതിൽ യുപി യൂറോപ്പിനെ മറികടന്നു: യോഗി

യുപി: പ്രധാന യൂറോപ്പ് രാജ്യങ്ങള്‍ കൊവിഡ്-19നെ നേരിടുന്നതിനേക്കാള്‍ മുന്നിലാണ് ഉത്തർപ്രദേശ് സര്‍ക്കാര്‍ കൊവിഡ്-19ന്‍റെ വ്യാപനം തടയാന്‍ വേണ്ടി നടത്തുന്ന പ്രവര്‍ത്തനങ്ങള്‍ എന്ന് യുപി മുഖ്യമന്ത്രി യോഗി ആദിത്യനാഥ് പറഞ്ഞു. കൊവിഡ്-19 കൈകാര്യം ചെയ്യുന്ന കാര്യത്തില്‍ സംസ്ഥാന സര്‍ക്കാര്‍ അവരെക്കാൾ മികച്ച പ്രകടനം കാഴ്ചവച്ചു എന്നും യോഗി പറഞ്ഞു. പ്രധാന യൂറോപ്പ് രാജ്യങ്ങളായ ഫ്രാൻസ്, യുണൈറ്റഡ് കിംഗ്ഡം, ഇറ്റലി, സ്പെയിൻ എന്നീ രാജ്യങ്ങളോടാണ് യോഗി ഉത്തര്‍പ്രദേശിലെ കൊവിഡ്-19 പ്രവര്‍ത്തനങ്ങളെ വിലയിരുത്തിയിരിക്കുന്നത്.

Also Read: COVID-19 Live Page: കുവൈത്തില്‍ രണ്ട് പേര്‍ കൂടി കൊവിഡ് ബാധിച്ച് മരിച്ചു

യോഗി ആദിത്യനാഥ് സംസ്ഥാന നിയമസഭയിലെ സമാജ്‌വാദി പാർട്ടി പ്രതിപക്ഷ നേതാവ് രാം ഗോവിന്ദ് ചൗധരിക്ക് എഴുതിയ ഏഴു പേജുള്ള കത്തിലാണ് ഇക്കാര്യം വ്യക്തമാക്കിയത്. എട്ട് ലക്ഷത്തിലധികം പോസിറ്റീവ് കേസുകളും ഒരു ലക്ഷത്തിലധികം കൊവിഡ് -19 മരണങ്ങളും ഈ രാജ്യങ്ങളിലാണെന്ന് യോഗി കത്തില്‍ പറയുന്നു. യുപിയിൽ 2,969 പോസിറ്റീവ് കേസുകളും 58 മരണങ്ങളും മാത്രമാണ് ഉണ്ടായിട്ടുള്ളതെന്ന് മുഖ്യമന്ത്രി പറഞ്ഞു. ഈ ആഴ്ച ആദ്യം ചൗധരി എഴുതിയ കത്തിന് മറുപടിയായായിരുന്നു മുഖ്യമന്ത്രിയുടെ ലക്ഷ്യം. കൊവിഡ് -19മായി ബന്ധപ്പെട്ട പ്രശ്നങ്ങള്‍ പരിഹരിക്കാൻ സംസ്ഥാന സർക്കാർ വേണ്ടത്ര ശ്രമിക്കുന്നില്ലെന്ന് കത്തിൽ പ്രതിപക്ഷ നേതാവ് ആരോപിച്ചിരുന്നു.

Also Read: ഗള്‍ഫില്‍ നിന്നും സംസ്ഥാനത്തേക്ക് എത്തിയതില്‍ എട്ടു പേരെ ഐസൊലേഷന്‍ വാര്‍ഡിലേക്ക് മാറ്റി

“സർക്കാരും ഉദ്യോഗസ്ഥരും കൊവിഡ് -19 ന്‍റെ വ്യാപനം തടയാന്‍ വേണ്ടി പ്രവർത്തിക്കുന്നുണ്ട്. പക്ഷേ പ്രോത്സാഹന വാക്കുകൾക്ക് പകരം അടിസ്ഥാനരഹിതമായ ആരോപണങ്ങൾ സാഹചര്യങ്ങൾക്ക് യോജിക്കുന്നില്ല. പകർച്ചവ്യാധിയെ അതിജീവിക്കാനുള്ള രാജ്യത്തിന്‍റെ ശ്രമത്തിൽ ക്രിയാത്മക പങ്കാളിയാകേണ്ടതുണ്ട്, ”മുഖ്യമന്ത്രി പറഞ്ഞു.