ചൈന: സൈന്യത്തെ പിൻവലിച്ചേക്കും, കേന്ദ്രത്തിന് പ്രതിപക്ഷ പിന്തുണ

ന്യൂഡൽഹി: ദോക് ലാ പ്രദേശത്ത് നിന്ന് ഇന്ത്യൻ സൈന്യത്തെ പിൻവലിക്കുന്നതായി സൂചന. അവിടെ നിന്ന് സൈന്യത്തെ ഒരു കാരണവശാലും പിൻവലിക്കില്ല എന്ന് കേന്ദ്രമന്ത്രിമാരുടെ യോഗത്തിൽ പറഞ്ഞിട്ടില്ലെന്ന് വിദേശകാര്യമന്ത്രാലയം വ്യക്തമാക്കി. സിക്കിമിലെ ദോക് ലാ മേഖലയിലെ ചൈന റോഡ് നിർമിച്ചതോടെയാണ് ഇരു രാജ്യനഗലും തമ്മിലുള്ള ബന്ധം വഷളായത്.

ഇന്നലെ വൈകുന്നേരം പ്രതിപക്ഷ നേതാക്കളുമായി കേന്ദ്ര ആഭ്യന്തര മന്ത്രി രാജ്‌നാഥ് സിങ്ങും കേന്ദ്ര വിദേശകാര്യമന്ത്രി സുഷമ സ്വരാജും ചൈന വിഷയം ചർച്ച ചെയ്തിരുന്നു. സൈന്യത്തെ പിൻവലിക്കാതെ ഇന്ത്യയുമായി ചർച്ചയില്ലെന്ന നിലപാടായിരുന്നു ചൈനയുടേത്. നയതന്ത്ര മാർഗങ്ങളിലൂടെ ചർച്ച നടത്തി ഇരു രാജ്യങ്ങളും മുന്നോട്ട് പോകണമെന്ന നിലപാടാണ് ഇന്ത്യ സ്വീകരിച്ചത്.

കേന്ദ്ര സർക്കാരിന് യോഗത്തിൽ പ്രതിപക്ഷ പാർട്ടികൾ ചൈന വിഷയത്തിൽ പൂർണ പിന്തുണ പ്രഖ്യാപിച്ചു. ഇരുരാജ്യങ്ങളും പരസ്പരം അതിർത്തി ലംഘിച്ചുവെന്ന കുറ്റാരോപണം തുടരുകയാണ്. ഭൂട്ടാൻ ഉൾപ്പടെ മൂന്ന് രാജ്യങ്ങൾ വിഷയത്തിൽ ഉൾപ്പെട്ടിരിക്കുന്നതിനാൽ തർക്കം ഏറ്റുമുട്ടലിൽ കലാശിക്കുമോ എന്നതാണ് ഏവരെയും ആശങ്കയിലാഴ്ത്തുന്നത്.

China: Opposition supports center

In India-China stand off, opposition extends support to central government