മേഘവിസ്ഫോടനം : ഉത്തരാഖണ്ഡില്‍ 30 പേര്‍ മരിച്ചു

ഡെറാഡൂണ്‍ : ഉത്തരാഖണ്ഡിലെ പിത്തോര്‍ഘട്ട് ജില്ലയിലുണ്ടായ മേഘവിസ്ഫോടനത്തില്‍ 30 പേര്‍ മരിച്ചു. മരിച്ചവരുടെ കുടുംബങ്ങള്‍ക്ക് രണ്ട് ലക്ഷം രൂപ വീതം ധനസഹായം നല്‍കുമെന്ന് മുഖ്യമന്ത്രി ഹരീഷ് റാവത്ത് പ്രഖ്യാപിച്ചു. ദേശീയ ദുരന്ത നിവാരണ സേനയാണ് രക്ഷാപ്രവര്‍ത്തനങ്ങള്‍ക്ക് മേല്‍നോട്ടം വഹിക്കുന്നത്.

മേഘവിസ്ഫോടനത്തെ തുടര്‍ന്നുണ്ടായ വെള്ളപ്പൊക്കത്തില്‍ നൂറോളം വീടുകള്‍ തകര്‍ന്നു. അളകനന്ദ നദിയിലെ വെള്ളം ക്രമാതീതമായി ഉയര്‍ന്നിട്ടുണ്ട്.

മൂന്നു പാലങ്ങള്‍ ഒലിച്ചു പോവുകയും സുവ ജില്ലയില്‍ ആയിരം ഏക്കറോളം കൃഷിഭൂമി നശിക്കുകയും ചെയ്തു. ഋഷികേശിനെയും ബദരീനാഥിനെയും തമ്മില്‍ ബന്ധിപ്പിക്കുന്ന ദേശീയപാത 58 അടച്ചു. നൂറു കണക്കിന് വാഹനങ്ങള്‍ പ്രദേശത്ത് കുടുങ്ങിക്കിടക്കുന്നു.