കൊവിഡ് കേസുകൾ വർധിക്കുന്നു; വിചിത്ര വാദവുമായി കെജ്രിവാൾ, വിമർശിച്ച് കോടതി

ന്യൂഡൽഹി: ഡൽഹിയിൽ കൊവിഡ്-19 കേസുകൾ കുതിച്ചുയർന്ന സാഹചര്യത്തിൽ വിചിത്ര വാദവുമായി മുഖമന്ത്രി അരവിന്ദ് കെജ്രിവാൾ. സംസ്ഥാനത്ത് കൊവിഡ് കേസുകൾ വർധിക്കാനുള്ള കാരണം അന്തരീക്ഷ മലിനീകരണം ആണെന്ന് അദ്ദേഹം പറഞ്ഞു.

Also Read: തെലങ്കാനയില്‍ പരിസ്ഥിതി സൗഹൃദ പടക്കങ്ങള്‍ക്ക് അനുമതി; രണ്ട് മണിക്കൂര്‍ ഉപയോഗിക്കാം

കൊവിഡ് കേസുകൾ വർധിക്കുന്ന സാഹചര്യത്തിൽ ഡൽഹി ഹൈക്കോടതി കഴിഞ്ഞ ദിവസം ആശങ്ക പ്രകടിപ്പിച്ചിരുന്നു. ഇതിന് പിന്നാലെയാണ് കെജ്രിവാളിൻ്റെ പ്രതികരണം ഉണ്ടായത്.

"കഴിഞ്ഞ കുറച്ച് ദിവസങ്ങളിലായി പുതിയ രോഗികളുടെ എണ്ണം വർധിക്കുകയാണ്. കൊവിഡ് കേസുകൾ നിയന്ത്രിക്കാൻ സർക്കാർ സംവിധാനങ്ങൾ മികച്ച രീതിയിൽ പ്രവർത്തിക്കുന്നുണ്ട്. സാധ്യമായ എല്ലാ നടപടികളും സർക്കാരിൻ്റെ ഭാഗത്ത് നിന്നും ഉണ്ടാകുന്നുണ്ട്. പത്ത് ദിവസത്തിനകം നിലവിലെ സാഹചര്യം ഇല്ലാതാക്കാൻ കഴിയുമെന്നാണ് പ്രതീക്ഷ" - എന്നും അദ്ദേഹം പറഞ്ഞു.

അന്തരീക്ഷ മലിനീകരണം ഉയർന്ന തോതിലാണ് സംസ്ഥാനത്തുള്ളത്. ഈ സാഹചര്യം കൊവിഡ് കേസുകൾ വർധിക്കാനുള്ള സാഹചര്യമുണ്ടാക്കും. സംസ്ഥാനത്തെ 24 ഗ്രാമങ്ങളിൽ വിളകളുടെ അവശിഷ്‌ടങ്ങൾ അഴുകി നശിക്കുന്ന പദ്ധതി നടപ്പാക്കി. മറ്റ് സംസ്ഥാനങ്ങളും ഉത് നടപ്പാക്കാൻ നിർദേശം നൽകണമെന്നും കെജ്രിവാൾ പറഞ്ഞു.

Also Read: ദളിത് യുവതിയെ വിവാഹം ചെയ്തു; ഹരിയാനയിൽ യുവാവിനെ ആൾക്കൂട്ടം തല്ലിക്കൊന്നു

സംസ്ഥാന സർക്കാരിനെതിരെ കഴിഞ്ഞ ദിവസം ഡൽഹി ഹൈക്കോടതി ശക്തമായ വിമർശനം ഉന്നയിച്ചിരുന്നു. ജനങ്ങളുടെ ജീവൻ വെച്ച് കളിക്കാൻ സർക്കാരിനെ അനുവദിക്കാനാകില്ല. ആരോഗ്യ സംരക്ഷണത്തിൻ്റെ ഉത്തരവാദിത്തം സർക്കാരിനാണ്. അൺലോക്ക് നടപടികൾ ജനങ്ങളെ ബാധിക്കുന്നുണ്ടെന്നും കോടതി പറഞ്ഞിരുന്നു.