മയക്കുമരുന്നു പോലും വേണ്ട; പാമ്പിൻ വിഷം മതി

ചണ്ഡിഗണ്ഡ്:പാമ്പുകളുടെ കവിളിൽ സ്ഥിതി ചെയ്യുന്ന വിഷഗ്രന്ഥികൾ ഉല്പാദിപ്പിക്കുന്ന സ്രവമാണ് പാമ്പിൻ വിഷം. വിഷം കൊണ്ട് 20 ആരോഗ്യവാന്മാരായ മനുഷ്യരെയും ഒരു ആനയേയും കൊല്ലാന്‍ കഴിയുമെന്നാണ് വെപ്പ്. എന്നാൽ നാഡിവ്യൂഹത്തെ പോലും തക‍ർക്കുന്ന മൂ‍ർഖൻ വിഷം മയക്കുമരുന്നിനേക്കാൾ വീര്യമുള്ള ലഹരിയായി മനുഷ്യന് ഉപയോഗിക്കുന്നതായാണെന്ന് രാജസ്ഥാനിൽ നിന്നുള്ള വാ‍ർത്തകൾ വ്യക്തമാക്കുന്നു. രാജസ്ഥാനിൽ നിന്നുള്ള രണ്ട് മനുഷ്യരെ ചണ്ഡിഗണ്ഡ് മെഡിക്കൽ എജ്യുക്കേഷൻ ആൻഡ് റിസ‍ർച്ച് പഠന വിധേയമാക്കിയിരിക്കുകയാണ്.

മയക്കുമരുന്നുകൾക്ക് ഉന്മാദം നൽകാനാകാതെ വരുമ്പോൾ മനുഷ്യ‍ർ പാമ്പിൻ വിഷം പരീക്ഷിക്കുന്നത് സയൻ്റിസ്റ്റുകളെ കുഴപ്പിക്കുകയാണ്. മയക്കുമരുന്നുകളായി പാമ്പിൻവിഷമെന്ന പേരിൽ ഒരു കേസ് റിപ്പോ‍ർട്ട് ടഇന്ത്യൻ ജേണൽ ഒാഫ് സൈക്കോളജിക്കൽ മെഡിസിനിൽ ഡോക്ട‍‍ർമാരായ അസിം മെഹ്റ, ദേബാശിഷ് ബസു, സന്ദീപ് ഗ്രോവർ എന്നിവർ പ്രസിദ്ധീകരിച്ചിട്ടുണ്ട്. റാഞ്ചിയിലും, മുംബൈയിലും സമാനമായ കേസുകൾ റിപ്പോർട്ട് ചെയ്തിട്ടുണ്ട്. കാലുകളിലും കൈയിലുമാണ് കൂടുതലായി പാമ്പുകളെ കൊണ്ട് കൊത്തിക്കുന്നത്. രാജസ്ഥാൻ്റെ വടക്ക് പടിഞ്ഞാറൻ മേഖലകളിൽ ഇത് സാധാരണമാണെന്ന് പ്രദേശത്തുള്ളവ‍ർ പറയുന്നു. പരിശോധനക്ക് വിധേയമാക്കിയ രാജസ്ഥാനിൽ നിന്നുള്ളവ‍ർ 15 വ‍ർഷങ്ങളായി മയക്കുമരുന്ന് ഉപയോഗിക്കുന്നവരാണ്