കുളച്ചല്‍ തുറമുഖ പദ്ധതിക്ക് തത്വത്തില്‍ അനുമതി

തമിഴ്നാട്ടിലെ കുളച്ചല്‍ തുറമുഖ പദ്ധതിക്ക് കേന്ദ്രമന്ത്രിസഭ തത്വത്തില്‍ അനുമതി നല്‍കി. 6000 കോടി രൂപയുടെ കേന്ദ്രനിക്ഷേപത്തോടുകൂടിയ പദ്ധതിയാണിത്. വിഴിഞ്ഞം തുറമുഖത്തുനിന്ന് ഏതാനും കിലോമീറ്റര്‍ അകലെ ഇനയം എന്ന സ്ഥലത്താണ് തുറമുഖം സ്ഥാപിക്കാന്‍ പദ്ധതിയിട്ടിരിക്കുന്നത്.

ദക്ഷിണേന്ത്യയിലേക്കുള്ള ചരക്കുകപ്പലുകള്‍ ഇപ്പോള്‍ സിലോണില്‍ എത്തിയാണ് ചരക്കുകള്‍ നീക്കുന്നതെന്നും ഇത് ഒഴിവാക്കാന്‍ കുളച്ചല്‍ സഹായകരമാകുമെന്നും കേന്ദ്രമന്ത്രി രവിശങ്കര്‍ പ്രസാദ് അഭിപ്രായപ്പെട്ടു.