ട്രൗസറിൽ മൂത്രം ഒഴിച്ചു; മൂന്ന് വയസുകാരന്‍റെ ജനനേന്ദ്രിയത്തിൽ അങ്കണവാടി ജീവനക്കാരി പൊള്ളലേൽപ്പിച്ചു

തുംകുരു: തുടർച്ചയായി ട്രൗസറിൽ മൂത്രം ഒഴിച്ചതിന് മൂന്ന് വയസുകാരന്‍റെ ജനനേന്ദ്രിയത്തിൽ അങ്കണവാടി ജീവനക്കാരി പൊള്ളലേൽപ്പിച്ചു. കർണാടകയിലെ തുംകുരുവിലാണ് ക്രൂരസംഭവം. വനിതാ ശിശു സംരക്ഷണ ഓഫീസറുടെ പരാതിയിൽ അങ്കണവാടി ജീവനക്കാരിക്കെതിരെ തുംകുരു പോലീസ് കേസെടുത്തു. പോലീസിനെ ഉദ്ധരിച്ച് ഇംഗ്ലീഷ് വാർത്താ മാധ്യമമായ ഡെക്കാൺ ക്രോണിക്കിളാണ് ഇക്കാര്യം റിപ്പോർട്ട് ചെയ്തത്.

ഓഗസ്റ്റ 19നാണ് ക്രൂര സംഭവം നടന്നത്. തുംകുരുവിലെ ചിക്ക നായകനഹള്ളി താലൂക്കിലെ ഗൊദെകെരെ ഗ്രാമത്തിലെ അങ്കണവാടിയിലാണ് മൂന്ന് വയസുകാരനെതിരെ ക്രൂരത നടന്നത്. അങ്കണവാടിയിൽ ഉള്ള സമയത്ത് കുട്ടി ട്രൗസറിൽ മൂത്രമൊഴിക്കുന്നത് തുടർന്നപ്പോഴാണ് ജീവനക്കാരിയായ രശ്മി കെപി തീപ്പെട്ടി കൊള്ളി ഉരച്ച് കുട്ടിയെ പൊള്ളലേൽപ്പിച്ചത്.

Also Read : അമ്മയെ ഒരാൾ ട്രെയിനിൽ നിന്ന് തള്ളിയിട്ടെന്ന് 9 വയസുകാരൻ, പീഡനം ചെറുത്ത യുവതിയുടെ മൃതദേഹം റെയിൽവേ ട്രാക്കിൽ

പരാതിയെ തുടർന്ന് ഉദ്യോഗസ്ഥർ കഴിഞ്ഞദിവസം ഗ്രാമത്തിലെത്തി അന്വേഷണം നടത്തി. കുട്ടിയെ തീപ്പെട്ടിക്കൊള്ളി ഉരച്ച് പേടിപ്പിക്കാൻ ശ്രമിക്കുന്നതിനിടെ അബദ്ധത്തില്‍ പൊള്ളലേറ്റതാണെന്നാണ് രശ്മി മൊഴി നൽകിയത്. കുട്ടിയുടെ ബന്ധുക്കളുടെ പരാതിയിലും തുംകുരു പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

Also Read : പിസി ചാക്കോ തുടരുമോ? എൻസിപി സംസ്ഥാന പ്രസിഡണ്ട് തെരെഞ്ഞെടുപ്പ് ഇന്ന്

അങ്കണവാടിയിൽ നിന്നെത്തിയ കുട്ടി മുത്തശ്ശിയോടാണ് പൊള്ളലേറ്റ കാര്യം പറഞ്ഞത്. തുടർന്ന് ഉടൻ തന്നെ വൈദ്യസഹായം തേടുകയായിരുന്നു.