ചികിത്സയിലിരിക്കെ പരീക്കർ ഭീഷണിപ്പെടുത്തിയെന്ന് കോൺഗ്രസ്

പനാജി: ചികിത്സയിൽ കഴിയുന്ന ഗോവ മുഖ്യമന്ത്രി മനോഹർ പരീക്കർ ഭീഷണിപ്പെടുത്തുന്നതായി കോൺഗ്രസ്. ഡൽഹി എയിംസ് ആശുപത്രിയിൽ കഴിയുന്ന പരീക്കർ ഫോണിൽ കൂടി ഭീഷണിപ്പെടുത്തിയെന്നാണ് കോൺഗ്രസ് ആരോപണം. ഇത് വരെ മുഖ്യമന്ത്രിയുടെ ആരോഗ്യനില സംബന്ധിച്ച് മെഡിക്കൽ ബുള്ളറ്റിൻ പുറത്തിറക്കിയിട്ടില്ല. ഡൽഹി എയിംസ് ആശുപത്രി ഉടൻ മെഡിക്കൽ ബുള്ളറ്റിൻ ഇറക്കണമെന്നും കോൺഗ്രസ് ആവശ്യപ്പെട്ടു.

കോൺഗ്രസ് പ്രവർത്തകരെ പരീക്കർ ഭീഷണിപ്പെടുത്തുന്നതായി കോൺഗ്രസ് നിരീക്ഷകൻ എ.ചെല്ലകുമാറാണ് വ്യക്തമാക്കിയത്. പരീക്കറുടെ യഥാർത്ഥ ആരോഗ്യനില വ്യക്തമാക്കുന്ന ബുള്ളറ്റിൻ ഉടൻ ആശുപത്രി പുറത്തിറക്കണമെന്ന് കോൺഗ്രസ് ആവശ്യപ്പെട്ടു. പരീക്കര്ക്ക് എതിരെ ഉയർന്ന ഖനന അഴിമതി കേസ് തെളിഞ്ഞാൽ സ്വത്തുവകകൾ ഉപേക്ഷിക്കാൻ അദ്ദേഹം തയ്യാറാകണമെന്നും കോൺഗ്രസ് വ്യക്തമാക്കി. 1.44 ലക്ഷം കോടി രൂപയുടെ ഖനന അഴിമതിയാണ് പരീക്കർക്ക് എതിരെ ഉയർന്നത്. എന്നാൽ കോൺഗ്രസ് ഉന്നയിച്ചിരിക്കുന്നത് അടിസ്ഥാനരഹിതമായ ആരോപണമാണെന്ന് ബിജെപി പ്രതികരിച്ചു. ഗോവ ലോകയുക്ത ഖനന അഴിമതിക്കേസ് അന്വേഷിച്ചു കൊണ്ടിരിക്കുകയാണ്.