ന്യൂഡൽഹി: രാജ്യത്തെ കൊവിഡ് പ്രതിരോധത്തിലെ വീഴ്ചകള് സംബന്ധിച്ച് കേന്ദ്രസര്ക്കാരിനെ കുറ്റപ്പെടുത്തി കോൺഗ്രസ് അധ്യക്ഷ സോണിയ ഗാന്ധി. കൊവിഡ് 19 മഹാമാരിയ്ക്കിടെ കേന്ദ്രസര്ക്കാര് രാജ്യത്തെ ജനങ്ങളെ പരാജയപ്പെടുത്തുകയാണെന്ന് സോണിയ ഗാന്ധി കുറ്റപ്പെടുത്തി. ജനങ്ങളോടു കരുണയില്ലാത്ത രാഷ്ട്രീയ നേതൃത്വമാണ് രാജ്യത്തെ തകര്ത്തതെന്ന് സോണിയ ഗാന്ധി പറഞ്ഞു. Also Read: ലാബുകളുടെ ഹർജി ഹൈക്കോടതി തള്ളി; ആര്ടി പിസിആര് നിരക്ക് 500 രൂപയായി തുടരും
വീഡിയോ കോൺഫറൻസിലൂടെ ചേര്ന്ന കോൺഗ്രസ് പ്രവര്ത്തക സമിതി യോഗത്തിലായിരുന്നു സോണിയ ഗാന്ധിയുടെ വാക്കുകള്. നരേന്ദ്ര മോദി സര്ക്കാര് രാജ്യത്തെ ജനങ്ങളെ പരാജയപ്പെടുത്തിയെന്ന് സോണിയ ഗാന്ധി കുറ്റപ്പെടുത്തി. കഴിവും ദീര്ഘവീക്ഷണവുമുള്ള സര്ക്കാരിനു മാത്രമേ കൊവിഡ് 19 പ്രതിസന്ധിയിൽ നിന്ന് രാജ്യത്തെ രക്ഷിക്കാൻ കഴിയൂവെന്ന് സോണിയ ഗാന്ധി പറഞ്ഞു. മോദി സര്ക്കാരിൻ്റെ അനാസ്ഥ മൂലം രാജ്യം മുങ്ങിക്കൊണ്ടിരിക്കുകയാണെന്നും സോണിയ ഗാന്ധി നേതാക്കളോടു പറഞ്ഞു. കൊവിഡ് പ്രതിസന്ധി ചര്ച്ച ചെയ്യാൻ കേന്ദ്രസര്ക്കാര് ഉടൻ സര്വകക്ഷിയോഗം വിളിക്കണമെന്നും സോണിയ ഗാന്ധി ആവശ്യപ്പെട്ടു. കൊവിഡ് പടരുന്നത് രാഷ്ട്രീയസീമകള്ക്ക് അതീതമായാണെന്നും മഹാമാരിയ്ക്കെതിരെ രാജ്യം ഒരുമിച്ച് പൊരുതേണ്ടതുണ്ടെന്നും സോണിയ ഗാന്ധി പറഞ്ഞു. "മഹാമാരിയെ മെച്ചപ്പെട്ട രീതിയിൽ പ്രതിരോധിക്കാനും ഉത്തരവാദിത്തം വര്ധിപ്പിക്കാനുമായി സ്റ്റാൻഡിങ് കമ്മിറ്റി വിളിച്ചു ചേര്ക്കണമെന്ന് കോൺഗ്രസ് ആവശ്യപ്പെടുകയാണ്." സോണിയ ഗാന്ധി പറഞ്ഞു.
Also Read: ആരോപണവുമായി ഘടകക്ഷി; തിരിച്ചടി പരിശോധിക്കാനൊരുങ്ങി ബിജെപി; എൻഡിഎയിൽ തിരുത്തലിന്റെ നാളുകളോ?
അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം വന്നതിനു ശേഷം ഇതാദ്യമായാണ് കോൺഗ്രസ് പ്രവര്ത്തകസമിതി യോഗം ചേരുന്നത്. കേരളത്തിലെ അടക്കം തെരഞ്ഞെടുപ്പ് ഫലം നിരാശാജനകമായിരുന്നുവെന്ന് വിലയിരുത്തിയ സോണിയ ഗാന്ധി വീഴ്ചകളിൽ നിന്ന് പരാജയം ഉള്ക്കൊണ്ടു മുന്നോട്ടു പോകുമെന്ന് വ്യക്തമാക്കി. തെരഞ്ഞെടുപ്പ് ഫലം വിലയിരുത്താനായി ഉടൻ പ്രവര്ത്തകസമിതി യോഗം ചേരുമെന്നും സോണിയ ഗാന്ധി പറഞ്ഞു.
വീഡിയോ കോൺഫറൻസിലൂടെ ചേര്ന്ന കോൺഗ്രസ് പ്രവര്ത്തക സമിതി യോഗത്തിലായിരുന്നു സോണിയ ഗാന്ധിയുടെ വാക്കുകള്. നരേന്ദ്ര മോദി സര്ക്കാര് രാജ്യത്തെ ജനങ്ങളെ പരാജയപ്പെടുത്തിയെന്ന് സോണിയ ഗാന്ധി കുറ്റപ്പെടുത്തി. കഴിവും ദീര്ഘവീക്ഷണവുമുള്ള സര്ക്കാരിനു മാത്രമേ കൊവിഡ് 19 പ്രതിസന്ധിയിൽ നിന്ന് രാജ്യത്തെ രക്ഷിക്കാൻ കഴിയൂവെന്ന് സോണിയ ഗാന്ധി പറഞ്ഞു. മോദി സര്ക്കാരിൻ്റെ അനാസ്ഥ മൂലം രാജ്യം മുങ്ങിക്കൊണ്ടിരിക്കുകയാണെന്നും സോണിയ ഗാന്ധി നേതാക്കളോടു പറഞ്ഞു. കൊവിഡ് പ്രതിസന്ധി ചര്ച്ച ചെയ്യാൻ കേന്ദ്രസര്ക്കാര് ഉടൻ സര്വകക്ഷിയോഗം വിളിക്കണമെന്നും സോണിയ ഗാന്ധി ആവശ്യപ്പെട്ടു. കൊവിഡ് പടരുന്നത് രാഷ്ട്രീയസീമകള്ക്ക് അതീതമായാണെന്നും മഹാമാരിയ്ക്കെതിരെ രാജ്യം ഒരുമിച്ച് പൊരുതേണ്ടതുണ്ടെന്നും സോണിയ ഗാന്ധി പറഞ്ഞു. "മഹാമാരിയെ മെച്ചപ്പെട്ട രീതിയിൽ പ്രതിരോധിക്കാനും ഉത്തരവാദിത്തം വര്ധിപ്പിക്കാനുമായി സ്റ്റാൻഡിങ് കമ്മിറ്റി വിളിച്ചു ചേര്ക്കണമെന്ന് കോൺഗ്രസ് ആവശ്യപ്പെടുകയാണ്." സോണിയ ഗാന്ധി പറഞ്ഞു.
Also Read: ആരോപണവുമായി ഘടകക്ഷി; തിരിച്ചടി പരിശോധിക്കാനൊരുങ്ങി ബിജെപി; എൻഡിഎയിൽ തിരുത്തലിന്റെ നാളുകളോ?
അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം വന്നതിനു ശേഷം ഇതാദ്യമായാണ് കോൺഗ്രസ് പ്രവര്ത്തകസമിതി യോഗം ചേരുന്നത്. കേരളത്തിലെ അടക്കം തെരഞ്ഞെടുപ്പ് ഫലം നിരാശാജനകമായിരുന്നുവെന്ന് വിലയിരുത്തിയ സോണിയ ഗാന്ധി വീഴ്ചകളിൽ നിന്ന് പരാജയം ഉള്ക്കൊണ്ടു മുന്നോട്ടു പോകുമെന്ന് വ്യക്തമാക്കി. തെരഞ്ഞെടുപ്പ് ഫലം വിലയിരുത്താനായി ഉടൻ പ്രവര്ത്തകസമിതി യോഗം ചേരുമെന്നും സോണിയ ഗാന്ധി പറഞ്ഞു.