അഗര്ത്തല: ത്രിപുര മുഖ്യമന്ത്രി ബിപ്ലബ് കുമാര് ദേബിനെ അറസ്റ്റ് ചെയ്യണമന്ന ആവശ്യവുമായി കോൺഗ്രസ് രംഗത്ത്. വര്ഗീയ വിദ്വേഷം വളര്ത്തുന്ന രീതിയിൽ പ്രസംഗിച്ചതിനും കോൺഗ്രസിനെതിരെ വ്യാജപ്രചരണം നടത്തിയതിനും ബിജെപി നേതാവ് കൂടിയായ ബിപ്ലബ് കുമാറിനെ അറസ്റ്റ് ചെയ്യണമെന്നാണ് കോൺഗ്രസിന്റെ ആവശ്യം. കോൺഗ്രസിനെതിരെ ബിപ്ലബ് കുമാര് ആവര്ത്തിച്ച് വ്യാജപ്രചരണങ്ങള് നടത്തുകയാണെന്ന് കോൺഗ്രസ് സംസ്ഥാന വൈസ് പ്രസിഡന്റ് പ്രിജുഷ് കാന്തി ബിശ്വാസ് പറഞ്ഞു. ഇക്കാര്യം ചൂണ്ടിക്കാട്ടി തെരഞ്ഞെടുപ്പ് കമ്മീഷന് കോൺഗ്രസ് പരാതി നല്കിയിട്ടുണ്ടെന്നും പിജുഷ് വ്യക്തമാക്കി. മതം, ജാതി, വര്ണം, ജനനസ്ഥലം, ഭാഷ തുടങ്ങിയ കാര്യങ്ങളുടെ പേരിൽ ജനങ്ങള്ക്കിടയിൽ ശത്രുത പരത്താനാണ് ബിപ്ലബ് കുമാര് ശ്രമിക്കുന്നതെന്ന് പിജുഷ് വ്യക്തമാക്കി. കോൺഗ്രസിനെ രാജ്യവിരുദ്ധ പാര്ട്ടി എന്നു വിളിച്ച ബിപ്ലബ് കുമാറിനെ പിജുഷ് കാന്തി ബിശ്വാസ് രൂക്ഷമായി വിമര്ശിച്ചു.
ദേശീയത, രാജ്യവിരുദ്ധത തുടങ്ങിയ കാര്യങ്ങളിൽ ഒരു വിവരവും ഇല്ലാതെയാണ് ബിപ്ലബ് പരാമര്ശങ്ങള് നടത്തുന്നതെന്നും പൊതുസമ്മേളനങ്ങളിൽ നടത്തുന്ന പ്രസംഗങ്ങളിലൂടെ വോട്ടര്മാരെ മുഖ്യമന്ത്രി ഭീഷണിപ്പെടുത്താൻ ശ്രമിക്കുകയാണെന്നും അദ്ദേഹം പറഞ്ഞു.
ദേശീയത, രാജ്യവിരുദ്ധത തുടങ്ങിയ കാര്യങ്ങളിൽ ഒരു വിവരവും ഇല്ലാതെയാണ് ബിപ്ലബ് പരാമര്ശങ്ങള് നടത്തുന്നതെന്നും പൊതുസമ്മേളനങ്ങളിൽ നടത്തുന്ന പ്രസംഗങ്ങളിലൂടെ വോട്ടര്മാരെ മുഖ്യമന്ത്രി ഭീഷണിപ്പെടുത്താൻ ശ്രമിക്കുകയാണെന്നും അദ്ദേഹം പറഞ്ഞു.