കുട്ടികള്‍ക്ക് ക്ലാസ്സെടുക്കാൻ മോദിക്ക് യോഗ്യതയില്ലെന്ന് ആനന്ദ് ശര്‍മ്മ

ന്യൂഡല്‍ഹി : പ്രധാനമന്തി നരേന്ദ്ര മോദിയുടെ പരീക്ഷ പര്‍ ചര്‍ച്ചയ്‍ക്കെതിരെ കോൺഗ്രസ് നേതാവ് ആനന്ദ് ശര്‍മ്മ. പരിപാടിക്കെതിരെ വിമര്‍ശനവുമായാണ് കോണ്‍ഗ്രസ് പാര്‍ട്ടി വക്താവ് തന്നെയായ അനന്ദ് ശര്‍മ്മ പരിഹാസവുമായി രംഗത്തെത്തിയിരിക്കുന്നത്.

സ്‌കൂള്‍ കുട്ടികളുമായും അവരുടെ മാതാപിതാക്കളുമായും പ്രധാനമന്ത്രി സംവദിക്കുന്നതാണ് പരീക്ഷ പര്‍ ചര്‍ച്ച. മോദിയുടെ വിദ്യാഭ്യാസ യോഗ്യതയില്‍ സംശയമുണ്ടെന്നായിരുന്നു ആനന്ദ് ശര്‍മ്മ പറഞ്ഞത്. സ്വയം പാസ്സാകാത്ത ഒരാള്‍ എങ്ങനെ വിദ്യാര്‍ഥികളോട് പരീക്ഷ ജയിക്കാനുള്ള വഴി പറഞ്ഞുകൊടുക്കുമെന്ന് പരിഹാസരൂപേണ അദ്ദേഹം ആരോപിച്ചു.

പരീക്ഷ പര്‍ ചര്‍ച്ച 2.0 എന്ന പരിപാടി സമൂഹ മാധ്യമങ്ങളിലടക്കം വന്‍ തരംഗമായിരുന്നതാണ്. ഇതിനെ തുടര്‍ന്നാണ് പ്രതിപക്ഷം വിമര്‍ശന ശരവുമായി രംഗത്തെത്തിയിരിക്കുന്നത്.