ആപ്പ്ജില്ല

ഒടുവിൽ സംഘടനാ തെരഞ്ഞെടുപ്പ്? മുന്നോട്ടു പോകാൻ മറ്റു വഴിയില്ലാതെ കോൺഗ്രസ്

ന്യൂഡൽഹി: ഡൽഹി നിയമസഭാ തെരഞ്ഞെടുപ്പിലെ വൻതോൽവിയ്ക്ക് പിന്നാലെ പുതിയ പാര്‍ട്ടി നേതൃത്വത്തെ കണ്ടെത്താൻ തെരഞ്ഞെടുപ്പ് വേണമെന്ന ആവശ്യം ഉയര്‍ത്തി ശശി തരൂര്‍. മുൻ ഡൽഹി മുഖ്യമന്ത്രി ഷീല ദീക്ഷിതിന്‍റെ മകന്‍ സന്ദീപ് ദീക്ഷിതിന്‍റെ പ്രസ്താവന ട്വീറ്റ് ചെയ്തു കൊണ്ടായിരുന്നു ശശി തരൂര്‍ ഇക്കാര്യം അറിയിച്ചത്.

Samayam Malayalam 20 Feb 2020, 7:12 pm
ന്യൂഡൽഹി: ഡൽഹി നിയമസഭാ തെരഞ്ഞെടുപ്പിലെ വൻതോൽവിയ്ക്ക് പിന്നാലെ പുതിയ പാര്‍ട്ടി നേതൃത്വത്തെ കണ്ടെത്താൻ തെരഞ്ഞെടുപ്പ് വേണമെന്ന ആവശ്യം ഉയര്‍ത്തി ശശി തരൂര്‍. മുൻ ഡൽഹി മുഖ്യമന്ത്രി ഷീല ദീക്ഷിതിന്‍റെ മകന്‍ സന്ദീപ് ദീക്ഷിതിന്‍റെ പ്രസ്താവന ട്വീറ്റ് ചെയ്തു കൊണ്ടായിരുന്നു ശശി തരൂര്‍ ഇക്കാര്യം അറിയിച്ചത്.
Samayam Malayalam congress leader shashi tharoor demands cwc to conduct election to find new president and leadership for the party
ഒടുവിൽ സംഘടനാ തെരഞ്ഞെടുപ്പ്? മുന്നോട്ടു പോകാൻ മറ്റു വഴിയില്ലാതെ കോൺഗ്രസ്



'നേതൃമാറ്റത്തിന് തെരഞ്ഞെടുപ്പ് വേണം'

കോൺഗ്രസിൽ നേതൃമാറ്റത്തിന് തെരഞ്ഞെടുപ്പ് വേണമെന്നാണ് സന്ദീപ് ദീക്ഷിത് ആവശ്യപ്പെട്ടത്. ഇക്കാര്യത്തെ താൻ പിന്തുണയ്ക്കുന്നു എന്ന രീതിയിലായിരുന്നു തരൂരിന്‍റെ ട്വീറ്റ്. പാര്‍ട്ടി കേഡര്‍ ശക്തിപ്പെടുത്താനായി മികച്ച നേതൃത്വത്തെ കണ്ടെത്തേണ്ടതുണ്ട്. ഇതിനായി അടിയന്തരമായി പാര്‍ട്ടിയിൽ തെരഞ്ഞെടുപ്പ് നടത്തണമെന്നാണ് തരൂരിന്‍റെ ആവശ്യം.

'പ്രവര്‍ത്തകര്‍ സ്വകാര്യമായി പറയുന്ന കാര്യം'

രാജ്യത്തെ ഡസൻകണക്കിന് നേതാക്കള്‍ സ്വകാര്യമായി പറയുന്ന കാര്യമാണ് സന്ദീപ് ദീക്ഷിത് പരസ്യമായി വിളിച്ചു പറഞ്ഞതെന്നാണ് ശശി തരൂര്‍ പറഞ്ഞത്. പാര്‍ട്ടിയിൽ ഉത്തരവാദിത്തപ്പെട്ട സ്ഥാനങ്ങള്‍ വഹിക്കുന്നവരും ഇക്കാരയം ആവശ്യപ്പെട്ടിട്ടുണ്ട്. പ്രവര്‍ത്തകരുടെ ഊര്‍ജ്ജം വര്‍ധിപ്പിക്കാനും വോട്ടര്‍മാരുടെ ആത്മവിശ്വാസം വളര്‍ത്താനും അടിയന്തരമായി തെരഞ്ഞെടുപ്പ് നടത്തണമെന്നാണ് തരൂര്‍ ആവശ്യപ്പെട്ടത്.

ഗാന്ധികുടുംബം പുറത്തേയ്ക്ക്?

കോൺഗ്രസിൽ സംഘടനാ തെരഞ്ഞെടുപ്പ് നടത്തിയാൽ ഗാന്ധി കുടുംബം നേതൃത്വത്തിൽ നിന്ന് പുറത്തായേക്കുമെന്ന് സൂചനയുണ്ട്. ലോക്സഭാ തെരഞ്ഞെടുപ്പിൽ പാര്‍ട്ടിയ്ക്കേറ്റ കനത്ത തിരിച്ചടിയ്ക്ക് പിന്നാലെ കോൺഗ്രസ് അധ്യക്ഷനായിരുന്ന രാഹുൽ ഗാന്ധി രാജി വെച്ചു. രാഹുൽ രാജി വെച്ച് 9 മാസത്തിനു ശേഷമാണ് പുതിയ അധ്യക്ഷനായി തെരഞ്ഞെടുപ്പ് നടത്തണമെന്ന ആവശ്യം ഉയരുന്നത്. ഇടക്കാല അധ്യക്ഷയായ സോണിയ ഗാന്ധിയ്ക്ക് പകരം രാഹുൽ വീണ്ടും സ്ഥാനമേറ്റേക്കുമെന്ന സൂചനകള്‍ക്കിടെയാണ് ശശി തരൂരിന്‍റെയും സന്ദീപ് ദീക്ഷിതിന്‍റെയും ആവശ്യമെന്നത് ശ്രദ്ധേയമാണ്.

'നയിക്കാൻ പ്രാപ്തിയുള്ള ആറോ എട്ടോ നേതാക്കളുണ്ട്'

പാര്‍ട്ടിയെ നയിക്കാൻ പ്രാപ്തിയുള്ള ആറോ എട്ടോ നേതാക്കളുണ്ടെന്നാണ് സന്ദീപ് ദീക്ഷിത് ഒരു ദേശീയ മാധ്യമത്തോട് വെളിപ്പെടുത്തിയത്. രാജ്യസഭാ എംപിമാരായ പാര്‍ട്ടിയുടെ മുതിര്‍ന്ന നേതാക്കള്‍ രംഗത്തിറങ്ങണമെന്നും വിവിധ സംസ്ഥാനങ്ങളുടെ തലപ്പത്തേയ്ക്കും ദേശീയ നേതൃത്വത്തിലേയ്ക്കും ആവശ്യമായ നേതൃത്വത്തെ കണ്ടെത്തണമെന്നും സന്ദീപ് ദീക്ഷിത് ആവശ്യപ്പെട്ടു. ചില നടപടികള്‍ ഉണ്ടാകാതിരിക്കാനായാണ് നേതാക്കള്‍ ഇടപെടാതിരിക്കുന്നതെന്നും അദ്ദേഹം കൂട്ടിച്ചേര്‍ത്തു.

രാഹുൽ ഗാന്ധിയ്ക്ക് താത്പര്യമില്ല

മുൻ അധ്യക്ഷൻ രാഹുൽ ഗാന്ധിയെ തന്നെ പാര്‍ട്ടിയുടെ അധ്യക്ഷസ്ഥാനത്തേയ്ക്ക് കൊണ്ടുവരാൻ നേതാക്കള്‍ സമ്മര്‍ദ്ദം ചെലുത്തുന്നുണ്ടെങ്കിലും രാഹുലിന് താത്പര്യമില്ലെന്നാണ് റിപ്പോര്‍ട്ടുകള്‍. കൂടാതെ ശാശ്വതമായ പരിഹാരം വേണമെന്ന അഭിപ്രായം ചില കോണുകളിൽ നിന്ന് ഉയരുന്നുമുണ്ട്. ഈ സാഹചര്യത്തിലാണ് തെരഞ്ഞെടുപ്പ് എന്ന ആവശ്യവുമായി മുതിര്‍ന്ന നേതാക്കളായ ശശി തരൂരും സന്ദീപ് ദീക്ഷിതും രംഗത്തെത്തിയിരിക്കുന്നത്.

ആര്‍ട്ടിക്കിള്‍ ഷോ

ട്രെൻഡിങ്