ബെംഗലുരുവിൽ കോൺഗ്രസ് നേതാവ് സര്‍ക്കാര്‍ഓഫീസ് കത്തിക്കാൻ ശ്രമിച്ചു

ബെംഗലുരു: സര്‍ക്കാര്‍ ഓഫീസ് പെട്രോളൊഴിച്ച് കത്തിക്കുമെന്ന് ഭീഷണിപ്പെടുതതിയ കോൺഗ്രസ് നേതാവിനെതിരെ പോലീസ് കേസ്.ബെംഗലുരുവിലെ കോൺഗ്രസ് നേതാവും കെ ആ‍ര്‍ പുരത്തെ ബ്ലോക്ക് പ്രസിഡൻ്റുമായ നാരായണസ്വാമിയ്ക്കെതിരെയാണ് പോലീസ് കേസെടുത്തത്.

ഹോരമാവുവിലെ ബൃഹത് ബെംഗളൂരു മഹാനഗര പാലികെ(ബി ബി എം പി) ഓഫീസിനുള്ളിൽകയറി പെട്രോൾ ഒഴിച്ചതിനു ശേഷം നാരായണ സ്വാമി കത്തിക്കുമെന്ന് ഭീഷണി മുഴക്കിയത്. ബി ബി എം പിയിലെ റവന്യൂ ഓഫീസര്‍ സതീഷ് കുമാറിൻ്റെ പരാതിയെ തുടര്‍ന്നാണ് ഇയാള്‍ക്കെതിരെ പോലീസ് കേസ് എടുത്തത്.
നാരായണസ്വാമി സമര്‍പ്പിച്ച വ്യാജരേഖ ഉദ്യോഗസ്ഥന്‍ അംഗീകരിക്കാന്‍ തയ്യാറാകാത്തതിനെ തുടര്‍ന്നായിരുന്നു ഇയാൾ പ്രകോപിതനായി.

സംഭവത്തെ തുടര്‍ന്ന്‌ നാരായണസ്വാമിയെ സസ്‌പെന്‍ഡ് ചെയ്യാന്‍ കര്‍ണാടക കോണ്‍ഗ്രസ് പ്രസിഡൻ്റ് ബെംഗളൂരു നോര്‍ത്ത് ഡി സി സിക്ക് നിര്‍ദേശം നല്‍കിയിട്ടുണ്ട്.