ന്യൂഡല്ഹി: എഐസിസി സെക്രട്ടറി ടോം വടക്കന് ബിജെപിയില് ചേര്ന്നു. കേന്ദ്രമന്ത്രി രവിശങ്കര് പ്രസാദില് നിന്ന് അംഗത്വം സ്വീകരിച്ചാണ് ടോം വടക്കന് ബിജെപിയില് ചേര്ന്നത്. പുല്വാമ ആക്രമണ വിഷയത്തില് കോണ്ഗ്രസ് സ്വീകരിച്ച നിലപാടില് പ്രതിഷേധിച്ചാണ് തന്റെ രാജിയെന്ന് ടോം വടക്കന് വ്യക്തമാക്കി. ഉപയോഗിച്ച ശേഷം കറിവേപ്പില പോലെ വലിച്ചെറിയുന്ന രീതിയാണ് ഇപ്പോള് കോണ്ഗ്രസില് ഉള്ളതെന്ന് അദ്ദേഹം കുറ്റപ്പെടുത്തി. ഇതോടൊപ്പം കോണ്ഗ്രസിലെ കുടുംബവാഴ്ചയും തന്റെ മനം മടുപ്പിച്ചതായി ടോം വടക്കന് പറഞ്ഞു.
തീരുമാനത്തിന് പിന്നാലെ പ്രധാനമന്ത്രി നരേന്ദ്രമോദിക്കും അമിത് ഷായ്ക്കും ടോം വടക്കന് നന്ദി അറിയിച്ചു. നരേന്ദ്രമോദി രാജ്യത്തെ മറ്റൊരു തലത്തിലേക്ക് ഉയര്ത്തുകയാണ്. അദ്ദേഹം രാജ്യത്തിനായി ചെയ്യുന്ന കാര്യങ്ങളില് ആകര്ഷണം തോന്നിയിരുന്നതായും ടോം വടക്കന് കൂട്ടിച്ചേര്ത്തു. കോണ്ഗ്രസ് വക്താവും എഐസിസി സെക്രട്ടറിയുമായിരുന്നു ടോം വടക്കന്.
തീരുമാനത്തിന് പിന്നാലെ പ്രധാനമന്ത്രി നരേന്ദ്രമോദിക്കും അമിത് ഷായ്ക്കും ടോം വടക്കന് നന്ദി അറിയിച്ചു. നരേന്ദ്രമോദി രാജ്യത്തെ മറ്റൊരു തലത്തിലേക്ക് ഉയര്ത്തുകയാണ്. അദ്ദേഹം രാജ്യത്തിനായി ചെയ്യുന്ന കാര്യങ്ങളില് ആകര്ഷണം തോന്നിയിരുന്നതായും ടോം വടക്കന് കൂട്ടിച്ചേര്ത്തു. കോണ്ഗ്രസ് വക്താവും എഐസിസി സെക്രട്ടറിയുമായിരുന്നു ടോം വടക്കന്.